Thó-lūn:Ké-chhùi-khí chheng-khì-piáⁿ

"...chi̍t-chióng the̍h-lâi chheng-khì o̍ah-chô ké-chhùi-khí ê io̍h-piáⁿ...": "chheng-khì" kám m̄ sī hêng-iông-sû ê kong-lêng? Kám ē-sái-tit chò tōng-sû iōng? A-giâu 06:21, 28 Chhit-goe̍h 2006 (UTC)

He sī góa kò-jîn ê siūⁿ-hoat, "chheng-khì" tùi-èng Hôa-gí ê "清潔", Hôa-gí ū "清潔(v.)牙齒(n.)" ê ēng-hoat, só·-í lán èng-kai mā-ē-saí kóng "chheng-khì chhùi-khí". Nā-bô thò-tòng, chhiáⁿ ti̍t-chiap kái--tiàu. Góa sī kám-kak ài cheng-ka Tâi-gí gí-sû ê sú-iōng hōan-ûi, m̄-thang it-ti̍t chiú tī kó·-chá ê sú-iōng hōan-ûi. Chhin-chhiūⁿ "thâng-thōa" tio̍h ē-sái cheng-ka tēng-gī, kā sú-iōng tī hiān-tāi seng-bu̍t-ha̍k lāi-té, lâi piáu-sī hiān-tāi "insect" ê tēng-gī. Bô, lán ê ōe sit-chāi ná kiâⁿ ná e̍h, lóng chiâⁿ-chò sí-gí--khì-ah (死語). --Albert 13:30, 28 Chhit-goe̍h 2006 (UTC)

Án-ne goá ū liáu-kái lí ê khó-lū. Chóng--sī, lán ê oē kám kóng bē chhut chhan-chhiūⁿ "清潔(v.)" chit khoán tōng-sû? Insect pí-kàu ū khah ki-su̍t-sèng ê tēng-gī, "清潔" kám ū chit khoán khó-lū? A-giâu 04:13, 31 Chhit-goe̍h 2006 (UTC)