Thó-lūn:Limkianhui

Kianhui hiaⁿ: Kám-siā lí ê chí-tō, gōa sī chhiau-chhōe Hôa-gí sû-tián ê sî-chūn hoat-hiān 頷 ê kái-soeh sī 『頦下頸上的部位』, ah 頦 ê kái-soeh sī 『面頰的下部』, in-chhú chiah hoâi-gî kóng 頷 khó-lêng kan-tāⁿ sī mandible (下顎). Lēng-gōa lí kóng iah-ū kî-thaⁿ kóng-hoat, m̄-chāi Kinhui hiaⁿ ē-sái kā gún chí-tō--1-ê bô? --Albert 09:17, 17 1g 2005 (UTC)

Kianhui hiaⁿ: Lí-hó

Kám-siā lí-ê chí-tō kap siu-kái, góa iah-koh sī sin-o̍h-soaⁿ, siá liáu bô-hó, chhò-ngō· chiâⁿ-chē, chiah-koh chhiáⁿ lāu-sian-kak kā gūn thiàⁿ-kà. "Hùn-sái" sī góa ka-tī siūⁿ--ê, in-ūi tan-im-chiat ê gí-sû kāng-im ê chêng-hêng chiâⁿ-chē, só·-í góa lóng-ē kā chīn-liōng kái-piàn chò siang-im-chiat he̍k-chiá-sī to-im-chiat. Sui-jiân Pe̍h-ōe-jī sī siá kháu-gí, m̄-koh chiong-lâi Bān-lâm-gí-bûn nā-ū sî-kiâⁿ--khí-lâi, hoān-sè mā-ū su-bīn-gí kap kháu-gí ê hun-pia̍t. Che sī góa o·-pe̍h lōan-siūⁿ--ê, bô-tiāⁿ m̄-tio̍h.--Albert 15:37, 16 2g 2005 (UTC)