Thó-lūn:Sū-óa-bûn

士瓦文

現代德國內的士瓦文（紅色）。黃色的所在是烏樹林峇亞郡，遐是士瓦文方言佮上萊因方言（Oberrheinalemannisch）佮空士坦湖方言（Bodenseealemannisch）的過渡地帶。啊寶頓湖郡西部毋是現代士瓦文的一部份。紅色區域中央彼條烏線是 Baden-Württemberg （西）佮Bavaria （東）的界線。

Baden-Württemberg 的紋章

士瓦文（白話字：Sū-óa-bûn；德語: Schwaben）是德國西南部一个文化上、歷史上、嘛是語言上的地理區。士瓦文這个名稱是對中世紀的士瓦文公國來兮，公國的領土佮另外一个傳統地理區阿黎曼有對同。

士瓦文的在地人士瓦文人，𪜶講的話是士瓦文話。

地理

士瓦文的疆界無明確的定義，歐洲足濟文化區域嘛攏是按呢。不而過，現代咱一般是共古早的士瓦文行政箍（Schwäbischer Reichskreis），或者是威湯馬沃 （Württemberg） 當做是士瓦文地區，伊包括現代的行政區褚孟貫行政區（Reg.-Bez. Tübingen；除去Bodensee郡以前峇頓地區的部份掠外）、士突結行政區（Reg.-Bez. Stuttgart），閣有士瓦文行政區 (Reg.-Bez. Schwaben)。

歷史

公元 1000 年左右的士瓦文公國

佇鐵器時代，士瓦文地區受著拉典文化（La Tène culture）的影響，所以𪜶的文化嘛有高盧的底蘊佇咧。羅馬帝國時代，遮是禮智亞省（Raetia）的一部份。

士瓦文公國

士瓦文公國是原本東佛蘭克王國（就是後來的神聖羅馬帝國）的一个部落公國。彼陣有建立幾若个重要的修會院，像聖加蓮（St. Gallen）修會院佮萊赫腦（Reichenau）修會院，士瓦文就按呢佇這个時期成做一个重要的古早高地德語的文化重鎮。

卡盧令王朝尾期，士瓦文實際上是獨立兮。十世紀早期有兩个王朝咧統治士瓦文，一个是統治坵繫茜 (Khu-hē-chhiàn)（Churrätien）地區的芬佛利定 (Hun-hu̍t-lī-tēng)（Hunfriding）伯爵，一个是統治峇亞（Baar）地區的阿哈魯興（Ahalolfings）家族。兩个王朝之間有發生衝突，落尾，佇 919 年的敏塔富奧（Winterthur）戰爭中，芬佛利定的武夏卓二世 (Bú-hā-toh jī-sè)勝利。東佛蘭克的新國王海因利希一世，承認武夏卓二世是一个公爵，毋過佇 960 年代，武夏卓三世統治的士瓦文公國去予烏塗一世的神聖羅馬帝國食掉。

文化

語言

阿黎曼方言 傳統上的分佈（19、20 世紀）

Wikijb (thó-lūn) 2023-nî 1-goe̍h 30-ji̍t (Pài 1) 23:27 (UTC)