Thó-lūn:Thng Tek-chiong

湯德章

湯德章，1907-1947，臺南市律師，佇臺南市的大正公園(民生綠園)銃決，幾工後，高等法院判決「無罪」!

湯德章，老爸是日本警察少年著過身，伊綴 老母姓，日本東京私立大學出業，通過司法科考試，轉來臺南做律師。 戰後伊佇臺南真出名，參議員的選舉第二懸票，後補參議員，伊無愛做官伊知影「做中國官著愛食錢，我無愛埋沒家己的良心」。

二二八事件的時，伊佇二二八事件處理委員會做治安組長。 國民黨的軍隊來臺南掠伊的時，伊共委員的名單燒掉，保護真濟人，粗殘的兵仔對伊刑求，伊死毋認罪，佇臺南市的大正公園(民生綠園)銃決，嘴裡擱不斷罵「蔣賊軍」，幾工後高等法院判決「無罪」!

1998年，臺南市政府共「民生綠園」改做「湯德章紀念公園」來紀念伊。