Thang-bî-hun hâm-sò͘

Thang-bî-hun hâm-sò͘ (Eng-gí: differentiable function) tī bî-chek-hun-ha̍k tiong sī chí tī tēng-gī-he̍k lāi só͘-ū tiám lóng ū tō-sò͘ ê hâm-sò͘. Thang-bî-hun hâm-sò͘ ê tô͘-siòng tī tēng-gī-he̍k lāi ê múi-chi̍t tiám it-tēng ū m̄-sī sûi-ti̍t ê chhiat-sòaⁿ. Só͘-í, thang-bî-hun hâm-sò͘ ê tô͘-siòng sī siong-tùi kng-ku̍t--ê, bô tn̄g-tiám, chiam-tiám ia̍h-sī jīm-hô ū sûi-ti̍t chhiat-sòaⁿ ê tiám.