Thn̂g-gia̍p Kái-liông Ì-kiàn-su

Thn̂g-gia̍p Kái-liông Ì-kiàn-su (糖業改良意見書) sī 1901 nî 9 goe̍h Tâi-oân Chóng-tok-hú Si̍t-sán-kio̍k-tiúⁿ Nitobe Inazô hiòng Chóng-tok-hú chiam-tùi Tâi-oân thn̂g-gia̍p thê-chhut ê chi̍t hūn pò-kò. Tī chit hūn pò-kò thê-chhut chìn-chêng, i í-keng siū Chóng-tok-hú úi-thok tùi thn̂g-gia̍p chìn-hêng tiau-cha gián-kiù. Ì-kiàn-su lāi lóng-chóng ū 7-tiám kái-liông pān-hoat, 11-hāng pó-hō͘ chióng-lē hong-àn kap 14-hāng tùi thn̂g-gia̍p siat-sikap ki-koan ê kái-liông ì-kiàn. Chit hūn ì-kiàn-su tùi Tâi-oân Chóng-tok-hú ê thn̂g-gia̍p chèng-chhek ū tiōng-tāi éng-hióng, ji̍t-āu chiū chham-khó i-ê ì-kiàn tī 1902 nî 6 goe̍h 14 hō pan-pò͘ Thn̂g-gia̍p Chióng-lē Kui-chek (糖業獎勵規則).