Tiān-náu iû-hì

Wikipedia (chū-iû ê pek-kho-choân-su) beh kā lí kóng...
跳至導覽 跳至搜尋

Tiān-náu iû-hì (Eng-gí: computer game), he̍k-chiá iáⁿ-siōng iû-hì (video game "bí-ti-oh-gém"), Tâi-gí tiāⁿ kóng tiān-tōng, he̍k-chiá ēng Eng-gí chioh-jī gém ia̍h gé-muh (game ), it-poaⁿ sī kóng keng-kòe sī-kak-sèng ê mûi-thé lâi sán-seng iû-hì khoân-kéng ê tiān-chú iû-hì (electronic game), ū pau-koat tàu tī tiān-sī ê choan-ēng iû-hì-ki, tī kò-jîn tiān-náu chi̍p-hêng ê PC gém, sió-hêng ê chhiú-the̍h iû-hì-ki, he̍k-chiá te̍k-pia̍t ūi iû-hì siat-kè ê siong-ēng tiān-náu arcade téng hêng-khoán.

Iōng-gí[siu-kái | kái goân-sú-bé]

Eng-gí it-poaⁿ kā kok khoán tiān-náu iû-hì kiò video game, sī keng-kòe sī-kak mûi-thé ūn-chok--ê, siong-tùi chit khoán ia̍h ū lēng-gōa ê audio game, chí oân-choân í siaⁿ-im piáu-hiān ê iû-hì, chóng-sī bô phó͘-phiàn.