Tn̂g-keⁿ Tāi-ha̍k

Wikipedia (chū-iû ê pek-kho-choân-su) beh kā lí kóng...
Thiàu khì: se̍h chām, chhiau-chhoē
Tn̂g-keⁿ Tāi-ha̍k ê Tē-it I-ha̍k Toā-lâu

Tn̂g-keⁿ Tāi-ha̍k (長庚大學) sī chi̍t keng khiā tī Tâi-oân Thô-hn̂g-chhī Ku-soaⁿ-khu ê su-li̍p tāi-ha̍k, i-ê i-ha̍k-īⁿ chin ū-miâ. Tn̂g-keⁿ Tāi-ha̍k ê chiân-sin sī Tâi-sok Chi̍p-thoân Ông Éng-khèng sian-siⁿ chhòng-li̍p ê Tn̂g-keⁿ I-ha̍k-īⁿ (長庚醫學院) kap Tn̂g-keⁿ I-ha̍k kì Kang-têng Ha̍k-īⁿ (長庚醫學暨工程學院). Lo̍h-bóe ūi-tio̍h phòe-ha̍p kok-ka keng-chè hoat-tián ê su-iàu, koh ke siat-li̍p kang-têng-ha̍k kap koán-lí-ha̍k lūi-pia̍t ê hē-só͘, lâi thê-kiong oân-chéng ê kàu-ha̍k chu-goân, pôe-io̍k iu-siù ê i-ha̍k, kang-têng-ha̍k kap koán-lí-ha̍k ê jîn-châi. Tī 1997 nî 8 goe̍h chèng-sek kái-miâ chò Tn̂g-keⁿ Tāi-ha̍k.