Tu-sek hoē-siā

Wikipedia (chū-iû ê pek-kho-choân-su) beh kā lí kóng...
Thiàu khì: Se̍h chāmchhiau-chhoē

Tu-sek hoē-siā (Hàn-jī: 株式会社; Lô-má-jī: kabusiki gaisya) sī Ji̍t-pún hoat-lu̍t só͘ tēng-gī ê iú-hān chek-jīm kong-si, sī 19 sè-kì ū ê kài-liām. "Tu-sek hoē-siā" mā sī Ji̍t-pún tùi in kok-goā kâng lūi kong-si hō-miâ chi̍t khoán hoan-e̍k.

Tâi-oân kap Hân-kok tī Ji̍t-pún thóng-tī sî-kî lóng ēng hoē-siā kap tu-sek hoē-siā ê miâ-hō, chóng-sī hit-tong-sî Tâi-oân mā í-keng ū sú-iōng "kong-si" (公司) chi̍t khoán hō-miâ. Chiàn-āu Tâi-oân tōa-hūn kái ēng "kong-si" kap kó͘-hūn iú-hān kong-sī (股份有限公司); Hân-kok kàu chiang koh kè-sio̍k ēng Ji̍t-pún-sek ê "hoē-siā" (회사) kap "tu-sek hoē-siā" (주식회사).