Wikipedia:Súi-khùi ê bûn-chiuⁿ/7 goe̍h 5 ji̍t
Khí-kho ê tńg-se̍h chhiat-siah kang-kū chú-iàu sī pau-koah bôa-chiam (bur), géng-bôa ke-si (abrading tool), kap thui-kim-châi (polishing agent) chit 3 lūi. Pau-hâm ê hōan-ûi chiâⁿ-khoah, ùi tan to-mê ê lak-chǹg (twist drill) kàu to to-mê ê chhiat-siah ê bôa-chiam, sīm-chì kúi-cha̍p-ê to-mê piàn-sêng bôa-iù kong-lêng ê bôa-chiam; ùi thoàⁿ-kǹg, o͘-kǹg, chia siāng-chē kúi-cha̍p-ê to-mê kàu soān-chio̍h bôa-chiam ū sǹg-bē-chheng ê soān-chio̍h lia̍p-á; tán-kàu thui-kim-châi, lia̍p-á sò͘-bok koh khah chē. Sui-bóng chia ê chē-chē ke-si ê gōa-piáu koh-iūⁿ, chhiat-siah kong-lêng chha-pia̍t chin-tōa, in lóng kāng-khoán ài keng-kòe tńg-se̍h, pháng ê tōng-chok chiah ē-sái hoat-hui in kò-pia̍t ê kong-lêng. (Tha̍k choân-phiⁿ...)