Tāi-hân Bîn-kok

Wikipedia (chū-iû ê pek-kho-choân-su) beh kā lí kóng...
(Tùi Hân-kok choán--lâi)
Thiàu khì: Se̍h chāmchhiau-chhoē
Tāi-hân Bîn-kok
대한민국
大韓民國
Tāi-hân Bîn-kok ê kî-á
Emblem of South Korea.svg
Locator map of South Korea.svg

Tāi-hân Bîn-kok (Tiâu-sián-gí: 대한민국; hàn-jī: 大韓民國; lô-má-jī: Daehan Minguk) sī chi̍t-ê ūi-tī tang-pak A-chiu Tiâu-sián Pòan-tó lâm-pō͘ ê kok-ka. Sai-lâm piⁿ sī N̂g-hái, tang-lâm piⁿ sī Tùi-má Hái-kiap. Tang óa Ji̍t-pún-hái. Pak pêng sī Tiâu-sián.

Tāi-hân Bîn-kok kap Tiâu-sián pún-lâi sī kāng chi̍t-ê kok-ka. Ji̍t-pún pāi-chiàn liáu-āu, Tiâu-sián pun-chò 2-ê kok-ka, lâm-pō͘ tī 1948 nî sêng-li̍p Tāi-hân Bîn-kok, kap pak-pêng ê Tiâu-sián tùi-khòng.

Ki-pún chu-liāu[siu-kái]

Hēng-chèng Tan-ūi[siu-kái]

Provinces of South Korea.svg

Hân-kok ê hēng-chèng tan-ūi hun-chó Te̍k-pia̍t-chhī (특별시, 特別市) , Kóng-he̍k-chhī (광역시, 廣域市), kap (도, 道).

Tē-lí[siu-kái]

Hân-kok ūi-tī Tiâu-sián Pòan-tó ê lâm-pian. Tiâu-sián Pòan-tó tī A-chiu Tāi-lio̍k ê tang-pak-pō͘, ùi pak-piⁿ kàu lâm-piⁿ chóng-kiōng ū 1,100 kong-lí. Tiâu-sián Pòan-tó ê pak-piⁿ kap Tiong-kok hâm Lō͘-se-a siong-chiap. Tang-piⁿ óa Ji̍t-pún-hái, kap Ji̍t-pún keh hái siong-bāng. Tî-liáu pòan-tó í-gōa Hân-kok koh ū 3-chheng kúi ê tó-sū.

Tiâu-sián Pòan-tó ê bīn-chek ū 22,2154 pêng-hong-kong-lí. Kî-tiong 45% sī ē-sái chéng-chhân ê thó͘-tē. Tiâu-sián Pòan-tó ê soaⁿ-tē chiam 3 hun chi 2.

Thài-pe̍h-soaⁿ-be̍k úi pòan-tó ê pak-piⁿ káu lâm-piⁿ. Siōng kôan ê soaⁿ sī Pe̍h-thô͘-soaⁿ. Thài-pe̍h-soaⁿ-be̍k chú-iàu tī pòan-tó ê tang-piⁿ, só͘-í pòan-tó tang-piⁿ khah kôan, se-piⁿ khah kē. Úi lâm-pak lâi khòaⁿ, pak-piⁿ khah kôan, lâm-pō͘ khah kē. Tang-piⁿ hái-gān khah ti̍t, sai-piⁿ hái-gān tó-sū kap hái-oan khah chōe.

Tiâu-sián Pòan-tó chú-iau ū 5-tiâu hô: Ah-lio̍k-kang, Tāu-móa-kang, Tāi-tông-kang, Hàn-kang, kap Lo̍k-tong-kang. Kî-tiong Hàn-kang kap Lo̍k-tong-kang sī tī Hân-kok lāi-té. Hàn-kang ê hà-iû tio̍h-sī Hân-kok ê siú-to͘ Seoul.