Ài-lân

Wikipedia (chū-iû ê pek-kho-choân-su) beh kā lí kóng...
Thiàu khì: se̍h chām, chhiau-chhoē
Ài-lân / O͘-gû-lân
愛蘭 / 烏牛欄
Gí-goân: Aoran
Ài-lân / O͘-gû-lân is located in Tâi-oân
Ài-lân / O͘-gû-lân
Ài-lân / O͘-gû-lân
Ài-lân tī Tâi-oân ê chē-chí
Keng-hūi-tō͘: 23°58′32.97″N 120°56′25.0116″E / 23.9758250°N 120.940281000°E / 23.9758250; 120.940281000
"Ài-lân" mā sī "Ireland" ê chi̍t khoán im-e̍k.

Ài-lân (愛蘭) kū-miâ O͘-gû-lân (烏牛欄), sī Tâi-oân Lâm-tâu-koān Po͘-lí-tìn lāi ê chng-siā, só͘-chāi tī Po͘-lí chhī-lāi ê sai-pêng.

Le̍k-sú[siu-kái | kái goân-sú-bé]

Pún chng kiam sì-ûi tē-hng, sī 1920 nî só͘ siat ê Lêng-ko-kūn Po͘-lí-ke ē-té ê tōa-jī O͘-gû-lân, chiàu 1935 nî ê thóng-kè, ū pêng-siông chū-bîn 1553 lâng, lāi-bīn Pêⁿ-po͘-cho̍k chiàm 829-ê; Hok-kiàn-hē (tāi-iok siong-tong Hō-ló-lâng) chiàm 440; Kńg-tang-hē (tāi-iok kâng Kheh-lâng)[N 1] chiàm 219.[1]

"O͘-gû-lân" chi̍t-ê hō-miâ goân-té sī chûn-chāi tī kin-á-ji̍t Tâi-tiong-chhī Hong-goân-khu lāi; Pazeh-cho̍k ê Aoran siā tùi goân chē-chí sóa kòe hiān-chāi Po͘-lí tē-hng liáu-āu tio̍h chiàu goân-miâ lâi hō. Tû-liáu Aoran siā í-gōa, O͘-gû-lân Koân-phiâⁿ téng iáu ū Patakan kap Lalusai nn̄g siā.[2] "Aoran" chiō sī "O͘-gû-lân" kiam āu-lâi "Ài-lân" hō-miâ ê lâi-goân.

Tâi-oân Tiúⁿ-ló-kàu-hōe ê Ài-lân Kàu-hōe, sī chāi-tē Pazeh lâng ûi chú ê kàu-hōe.[3]

Chù-kái[siu-kái | kái goân-sú-bé]

  1. Ji̍t-pún sî-tāi Tâi-oân ê jîn-kháu thóng-kè hun ê Hok-kiàn/Kńg-tang kap hiān-taⁿ thong-sio̍k ê Hō-ló/Kheh-ka ê hun-pia̍t beh kâng m̄-koh bô goân-choân sio ha̍h.

Chham-khó[siu-kái | kái goân-sú-bé]

  1. 臺灣總督官房調查課 (1936). 昭和十年末 臺灣常住戶口統計. p. 186. 
  2. 衛惠林 (1981). 埔里巴宰七社志. 中央研究院. 
  3. 李靖唐 (2011). 埔里愛蘭長老教會的設立與發展 (sek-sū lūn-bûn). 中興大學 歷史學系所. 

Liân-kiat[siu-kái | kái goân-sú-bé]