Î-bîn

Wikipedia (chū-iû ê pek-kho-choân-su) beh kā lí kóng...
Thiàu khì: se̍h chāmchhiau-chhoē

Î-bîn (移民) sī jîn-kháu tī khong-kan téng liû-tōng ê hiān-siōng, ia̍h-sī tùi chi̍t-ê só͘-chāi poaⁿ-sóa kàu lēng-gōa chi̍t-ê só͘-chāi tēng-ki ê lâng.

hiān-tāi í bîn-cho̍k kok-ka ûi chú-thé ê kok-chè thé-hē hā, î-bîn hiān-siōng ē-sái hun-chò kok-kéng lāi ê î-bîn í-ki̍p khoà-kok-kéng ê î-bîn; khoà-kok-kéng ê î-bîn koh hun-chò î-bîn chhut-kéng (emigration) kap gōa-lâi î-bîn (immigration) nn̄g-chióng.

Tùi hoat-kiàn sî-tāi í-lâi, î-bîn lô-kang chiâⁿ-chò khoà-kok-kài jîn-kháu sóa-tāng ê tōa-chong; tòe-tio̍h keng-chè choân-kiû-hòa ê chhim-hòa, kok-chè î-bîn lô-kang ê kui-hoān, koân-ek pó-chiòng kap siong-koan chip-hoat, tī chiâⁿ-chē su-chhut ia̍h-sī ín-chìn tōa-liōng î-bîn lô-kang ê tē-khu, chiâⁿ-chò siū-tio̍h koân-tō͘ koan-chù ê chèng-tī kap siā-hōe gī-tê.