Pang-chān:Bîn-cho̍k

Wikipedia (chū-iû ê pek-kho-choân-su) beh kā lí kóng...
(Tùi 民族 choán--lâi)
跳至導覽 跳至搜尋

民族(bîn-cho̍k)是一款儂兮集體,詳細意思濟款而且綴時間咧改變。民族兮概念比族群較抽象而且較政治性兼非個人性。逐个民族定有𪜶家己兮起源神話佮歷史,另外猶可能有仝款兮文化、地緣佮語言。

民族,照「nation」兮用法,也有倚近「國家」兮意思,包括政治性兮邦國(state)佮地理性兮國家(country)。像民族、邦國、國家、族群等等,遮兮用語言佮兮意思有差總是使用當中加減有曖昧兮所在。

有兮國家本身嘛通算一个民族,總是嘛有真濟民族無建立起主權性兮國家,比論美洲兮Iroquois儂。

語源佮翻譯[siu-kái | kái goân-sú-bé]

「民族」即字是近代對西洋言語比論英語「nation」兮翻譯,代先來源是法語兮「nacion」,有「誕生」、「出生地」兮意思。語源是拉丁語兮「natio」,照字意思著是「出世」。

「Nation」,若參考華語界兮即款新翻譯,通講「國族」,總是若考慮著關聯兮用語,比論「nation-state」,會造成循環定義兮問題。

民族兮觀念[siu-kái | kái goân-sú-bé]

國家佮公民式[siu-kái | kái goân-sú-bé]

佇親像英國法國西班牙荷蘭美國加拿大即類國家,𪜶兮民族是一款較政治式、公民式佮領土性兮用語,毋是倚靠宗教種族族群或者是文化咧使用,是照自身邦國兮領土定出來兮政治成員。對即款國家來講,民族兮成員著是國家兮公民,不管是出世做本國儂或者是後來歸化兮。

文化佮族群式[siu-kái | kái goân-sú-bé]

嘛有一款民族觀念是倚靠種族、族群、宗教、歷史抑其他文化元素決定兮。𪜶兮成員有可能是繼承兮,非自願兮物,特別較關心𪜶共同祖先兮概念。若照即款意思,𪜶兮民族是天生生成兮代誌。即款文化抑族群式兮民族觀念,產生兮所在是18世紀兮德國,而且像東歐洲佮世界其他所在播揚。

族群式兮民族,雖罔一般嘛有建國兮目標,總是會當佇無建國兮情形當中存在。這對一寡認家己做民族,毋過無國家兮人群來講是特別合用。無國家民族(stateless nation),有比論西班牙兮Catalunya儂、英國兮蘇葛蘭儂,閣有加拿大兮Quebec儂。遮兮民族無一定卜建國。𪜶是毋是有國家,大份是關係著權力政治兮問題。比論對Kurd民族來講,已經為建國拍拚真濟年冬,總是猶原受國際政治兮阻礙。

關聯[siu-kái | kái goân-sú-bé]