1947 nî Tiong-hôa Bîn-kok Kok-bîn Tāi-hōe Tāi-piáu soán-kí

1947 nî Tiong-hôa Bîn-kok Kok-bîn Tāi-hōe Tāi-piáu soán-kí sī Tiong-hôa Bîn-kok ê kok-hōe gī-oân soán-kí, kok-séng hun-pia̍t tī 1947 nî 11 goe̍h 21 hō kàu 23 hō kí-hêng. Hit pái soán-kí goân-tēng hām tē-it kài li̍p-hoat úi-oân soán-kí kāng sî-kan tī 10 goe̍h chìn-hêng, m̄-koh Kok-Kiōng Lāi-chiàn tì-sú thih-lō͘ phò-hoāi, kau-thong put-piān, chō-sêng soán-kí iân-tî, chòe-āu kok-bîn tāi-hōe tāi-piáu phó͘-soán thê-chá tī li̍p-hoat úi-oân phó͘-soán thâu-chêng tī 11 goe̍h kí-hêng. Chit pái ti̍t-soán hām li̍p-hoat úi-oân ti̍t-soán hō͘ Tiong-kok thâu chi̍t pái chhut-hiān liáu 4.61 ek jîn-bîn ti̍t-chiap siū-khoân sán-seng ê tāi-gī ki-koan, hō͘ Tiong-hôa Bîn-kok chiâⁿ-chò hit-tang-chūn sè-kài siōng siāng tōa ê bîn-chú kok-ka.

In-ūi Kok-Kiōng Lāi-chiàn téng in-sò͘, chit pái kok-tāi tāi-piáu kap li̍p-hoat úi-oân soán-kí mā sī hit-tang-sî chèng-khoân iu-goân thóng-tī choân Tiong-kok choa̍t tōa pō͘-hūn léng-thó͘ ê Tiong-hôa Bîn-kok Chèng-hú ûi-it chi̍t pái ê kok-hōe ti̍t-soán.