2025 nî
 | 這篇文章有漢字兮版本。 參考這篇文章兮漢字版本。 |
| chhian-liân-kí: | 3 chhian-liân-kí |
| sè-kí: | 20 sè-kí | 21 sè-kí | 22 sè-kí |
| cha̍p-nî-kí: | 1990 nî-tāi | 2000 nî-tāi | 2010 nî-tāi | 2020 nî-tāi | 2030 nî-tāi | 2040 nî-tāi | 2050 nî-tāi |
| nî: | 2020 nî | 2021 nî | 2022 nî | 2023 nî | 2024 nî | 2025 nî | 2026 nî | 2027 nî | 2028 nî | 2029 nî | 2030 nî |
| Kan-chi | Kap-sîn nî — kàu — It-sū nî |
| Gregorius le̍k | 2025 nî MMXXV |
| Julius le̍k | pí Gregorius le̍k chá 13 kang |
| Hu̍t-le̍k | 2569 nî |
| Tō-kàu-le̍k | 4722 nî |
| Hoê-le̍k | 1447~1448 |
| Ji̍t-pún | Lēng-hô (令和) 7 nî |
| Hông-kì | 2685 nî |
| Tân-kì | 4358 nî |
| Bîn-kok | 114 nî
|
| Hi-pek-lâi-le̍k | 5785~5786 |
| Se-chōng-le̍k | iông bo̍k lêng (shing pho 'brug) — kàu — im bo̍k choâ (shing mo sbrul) |
| Hindu le̍k | |
| - Vikram Samvat | 2080 – 2081 |
| - Shaka Samvat | 1947 – 1948 |
| Iran le̍k | 1403 – 1404 |
| Runic le̍k | 2275 |
| Assyria le̍k | 6775 nî |
| Ethiopia le̍k | 2019~2020 |
| Pò͘-tek-le̍k | 166 nî |
2025 nî tī Gregorius Le̍k-hoat lāi-bīn sī chi̍t ê pêng-nî, thâu kang sī pài-saⁿ.
Sū-kiāⁿ
[siu-kái | kái goân-sí-bé]- 1 goe̍h 7 ji̍t, Tiong-kok Se-chōng hoat-seng tōa tē-tāng, chō-sêng 126 lâng kòe-sin, 201 lâng tio̍h-siong.
- 1 goe̍h 7 ji̍t, Bí-kok California Lo̍k-sam-ki Kūn hoat-seng hóe-sio-soaⁿ.
- 1 goe̍h 9 ji̍t, Lī-pa-lùn gī-hōe soán-kí Joseph Aoun chò chóng-thóng, kiat-sok in 2-nî-gōa ê khoân-le̍k chin-khong.
- 1 goe̍h 15 ji̍t, Hân-kok chóng-thóng Yun Seok-yeol hőng tāi-pó͘, chiâⁿ-chò Hân-kok thâu-chi̍t-ê hőng lia̍h ê chāi-ūi chóng-thóng.
- 1 goe̍h 20 ji̍t, DeepSeek thui-chhut R1 bô͘-hêng.
- 1 goe̍h 22 ji̍t, Thài-kok chiâⁿ-chò choân-kiû tē-38-ê, A-chiu tē-3-ê, Tang-lâm-a thâu-chi̍t-ê kā tông-sèng hun-in ha̍p-hoat-hòa ê kok-ka.
- 1 goe̍h 26 ji̍t, Aliaksandr Lukašenka tē-7-pái tòng-soán Pe̍h-lō͘-se-a chóng-thóng.
- 1 goe̍h 29 ji̍t, Bí-kok Hôa-hú ū hoe-lêng-ki kah Bí-kok lio̍k-kun ti̍t-seng-ki tī thiⁿ-téng sio-lòng, chō-sêng siōng-bô 19-lâng sí-bông.
- 2 goe̍h 4 ji̍t, Sūi-tián hoat-seng hāu-hn̂g chhèng-kek-àn, chō-sêng siōng-bô 10-lâng sí-bông, 15-lâng tio̍h-siong, che sī Sūi-tián le̍k-sú lāi-té siōng giâm-tiōng ê chhèng-kek sū-kiāⁿ.
- 2 goe̍h 13 ji̍t, Tâi-oân Tâi-tiong-chhī Sin-kong Sam-oa̍t Tâi-tiong tiong-káng-tiàm hoat-seng gá-suh po̍k-chà, siōng-bô 4-lâng kòe-sin.
- 3 goe̍h 28 ji̍t, Bián-tiān hoat-seng kui-bô͘ 8.2 ê tōa-tē-tāng, chō-sêng 5360 lâng kòe-sin, 4840 lâng tio̍h-siong, 214 lâng sit-chong.
- 4 goe̍h 2 ji̍t, Bí-kok chóng-thóng Donald Trump soan-pò͘ tùi-téng koan-sòe chèng-chhek, tùi chin-chē kok-ka teng-siu tùi Bí-kok koan-sòe ê chi̍t-pòaⁿ.
- 4 goe̍h 4 ji̍t, Hân-kok Hiàn-hoat Hoat-īⁿ thong-kòe Ún Sek-oa̍t ê tân-he̍k-àn, Ún Sek-oa̍t má-siōng kái-chit.
- 5 goe̍h 8 ji̍t, Liông 14-sè (Leo XIV) chiâⁿ-chò sin chi̍t-jīm ê kàu-hông.
- 5 goe̍h 19 ji̍t, Tâi-oân Sin-pak-chhī Sam-kiap-khu hoat-seng chhia-lióng cháu-lòng kong-kek sū-kiāⁿ, pau-hâm tiāu-sū kà-sú lóng-chóng chō-sêng 4-lâng kòe-sin, 12-lâng tio̍h-siong.
- 6 goe̍h 3 ji̍t, Lí Chāi-bêng tòng-soán Tāi-hân Bîn-kok chóng-thóng.
- 7 goe̍h 16 ji̍t, Tiong-kok Chiat-kang-séng Hâng-chiu-chhī hoat-seng chúi-tō-chúi hō͘ u-jiám ê sū-kiāⁿ.
- 7 goe̍h 26 ji̍t, Tâi-oân chìn-hêng 24-miâ li̍p-úi kah Sin-tek-chhī chhī-tiúⁿ Ko Hông-an ê pā-bián-àn tâu-phiò, lo̍h-bóe choân-pō͘ lóng bô thong-kòe.
- 8 goe̍h 4 ji̍t, Tiong-kok Sù-chhoan-séng Kang-iû-chhī in-ūi chāi-tē kéng-chhat tī lêng-lek sū-kiāⁿ lāi-té siau-ke̍k chhú-lí, po̍k-hoat bîn-chiòng ê tōa-kui-bô͘ iû-hêng khòng-gī.
- 8 goe̍h 15 ji̍t, Bí-kok Chóng-thóng Donald Trump kap Lō͘-se-a Chóng-thóng Vladimir Putin tī Bí-kok A-la-su-ka Chiu kí-hêng Ko-chân hōe-gī.
- 8 goe̍h 23 ji̍t, Tâi-oân chìn-hêng 7-miâ li̍p-úi ê pā-bián-àn tâu-phiò, lo̍h-bóe choân-pō͘ lóng bô thong-kòe.
- 9 goe̍h 12 ji̍t, Liân-ha̍p-kok Tāi-hōe í 142-phiò chàn-sêng, 10-phiò hoán-tùi kah 12-phiò khì-koân, thong-kòe koat-gī chi-chhî Í-sek-lia̍t kah Pa-le̍k-su-thán Kok ê "nn̄g-kok hong-àn", tān-sī pâi-tû Pa-le̍k-su-thán ê bú-chong thoân-thé Hamas chham-ú.
- 9 goe̍h 21 ji̍t, Eng-kok, Ò-chiu, Ka-ná-tāi kah Phû-tô-gâ sêng-jīn Pa-le̍k-su-thán Kok.
- 9 goe̍h 24 ji̍t, Hong-thai Ragasa tī Tâi-oân chō-sêng Má-tāi-an-khe chúi-thâu ê pang-soaⁿ-ô͘ ek-chhut, tī Hoa-liân-koān Kong-ho̍k-hiong chō-sêng chiâⁿ-tōa--ê siong-hāi, siōng-bô 14-lâng kòe-sin, 120-lâng sit-chong.
- 10 goe̍h 21 ji̍t, Ko-chhī Chó-biâu (高市早苗) tòng-soán Lōe-koh Chóng-lí Tāi-sîn, chiâⁿ-chò Ji̍t-pún sú-siōng thâu-chi̍t-ūi cha-bó͘ siú-siòng.
- 10 goe̍h 22 ji̍t, Tâi-oân Tâi-tiong-chhī thoân-chhut Hui-chiu ti-che ê chai-chêng.
- 11 goe̍h 7 ji̍t, Ko-chhī Chó-biâu in-ūi tī chiap-siū chit-sûn ê sî piáu-sī "Tâi-oân iú sū" (台湾有事) khó-lêng ē chō-sêng Ji̍t-pún ê "chûn-bông gûi-ki sū-thài" (存亡危機事態), ín-hoat Tiong-kok kah Ji̍t-pún ê gōa-kau chhiong-tu̍t.
- 11 goe̍h 26 ji̍t, Hiong-káng Tōa-po͘ Hông-hok-oán hóe-sio-chhù (宏福苑-) , chō-sêng 161-lâng kòe-sin, 79-lâng tio̍h-siong.
- 12 goe̍h 19 ji̍t, Tiong-hôa Bîn-kok li̍p-hoat-īⁿ Kok-bîn-tóng kah Bîn-chiòng-tóng tóng-thoân soan-pò͘ beh tân-he̍k chóng-thóng Lōa Chheng-tek.
- 12 goe̍h 19 ji̍t, Tiong-hôa Bîn-kok Hiàn-hoat Hoat-têng soan-pò͘ Hiàn-hoat Sò͘-siōng Hoat siu-chèng-àn sit-hāu, hō͘ Hiàn-hoat Hoat-têng tī tī-táu chhiau-kòe 400-kang liáu-āu ē-tàng khoe-ho̍k ūn-chok.
- 12 goe̍h 19 ji̍t, Tâi-oân Tâi-pak Chia̍t-ūn hoat-seng bô-chha-pia̍t kong-kek sū-kiāⁿ, pau-hâm hoān-àn liáu-āu sûi thiàu-lâu ê hiâm-hoān lóng-chóng chō-sêng 4-lâng kòe-sin, 11-lâng tio̍h-siong.
- 12 goe̍h 27 ji̍t e-àm 23:05. Tâi-oân Gî-lân gōa-hái hoat-seng kui-bô͘ 7.0 ê tē-tāng, sī chū 1999 nî 921 Tōa Tē-tāng, 2006 nî Hêng-chhun tē-tāng, 2024 nî 0403 Tōa Tē-tāng í-āu, tē-4-ê Jōe-sī kui-bô͘ ta̍t-kàu 7.0 ê tōa-tē-tāng.
- 12 goe̍h 29 ji̍t, Tiong-hôa Jîn-bîn Kiōng-hô-kok tī Tâi-oân hù-kīn hái-he̍k kí-hêng kun-sū ián-liān.
Chhut-sì
[siu-kái | kái goân-sí-bé]Kòe-sin
[siu-kái | kái goân-sí-bé]- Chhî Hi-oān (1976/10/6—2025/2/2), Tâi-oân gē-jîn
- Png Tāi-tông (1983/7/14—2025/2/21), Hiong-káng im-ga̍k-jîn
- Tēⁿ Chhiû-ú (1933/12/4—2025/6/13), Tiong-hôa Bîn-kok si-jîn
- U Bông-lông (1988/6/15—2025/9/11), Tiong-kok gē-jîn
- Jane Goodall (1934/4/3—2025/10/1), Eng-kok ê tōng-bu̍t-ha̍k-ka, hêng-ûi-ha̍k-ka
- Chô Se-pêng (1959/2/12—2025/12/29), Tâi-oân gē-jîn
