2020 nî
 | 這篇文章有漢字的版本。 參考這篇文章的漢字的版本。 |
| chhian-liân-kí: | 3 chhian-liân-kí |
| sè-kí: | 20 sè-kí | 21 sè-kí | 22 sè-kí |
| cha̍p-nî-kí: | 1990 nî-tāi | 2000 nî-tāi | 2010 nî-tāi | 2020 nî-tāi | 2030 nî-tāi | 2040 nî-tāi | 2050 nî-tāi |
| nî: | 2015 nî | 2016 nî | 2017 nî | 2018 nî | 2019 nî | 2020 nî | 2021 nî | 2022 nî | 2023 nî | 2024 nî | 2025 nî |
| Kan-chi | Kí-hāi nî — kàu — Keng-chú nî |
| Gregorius le̍k | 2020 nî MMXX |
| Julius le̍k | pí Gregorius le̍k chá 13 kang |
| Hu̍t-le̍k | 2564 nî |
| Tō-kàu-le̍k | 4717 nî |
| Hoê-le̍k | 1442~1443 |
| Ji̍t-pún | Lēng-hô (令和) 2 nî |
| Hông-kì | 2680 nî |
| Tân-kì | 4353 nî |
| Bîn-kok | 109 nî |
| Chú-thé-le̍k | 109 nî |
| Hi-pek-lâi-le̍k | 5780~5781 |
| Se-chōng-le̍k | im thó͘ ti (sa mo phag) — kàu — iông thih chhí (lcags pho byi) |
| Hindu le̍k | |
| - Vikram Samvat | 2075 – 2076 |
| - Shaka Samvat | 1942 – 1943 |
| Iran le̍k | 1398 – 1399 |
| Runic le̍k | 2270 |
| Assyria le̍k | 6770 nî |
| Ethiopia le̍k | 2014~2015 |
| Pò͘-tek-le̍k | 161 nî |
2020 nî tī Gregorius Le̍k-hoat lāi-bīn sī chi̍t ê lūn-nî, thâu kang sī pài-saⁿ.
Sū-kiāⁿ
[siu-kái | kái goân-sí-bé]1 goe̍h
[siu-kái | kái goân-sí-bé]Siông-sè chhiáⁿ khoàⁿ: 2020 nî 1 goe̍h
- 1 goe̍h 1 ji̍t, Hô-lân thêng-chí tī chèng-sek tiûⁿ-ha̍p sú-iōng "Holland" chit-ê miâ, kái iōng chèng-sek miâ-chheng "Netherlands".
- 1 goe̍h 2 ji̍t, Tiong-hôa Bîn-kok Khong-kun UH-60M O͘-eng (烏鷹) ti̍t-seng-ki tī U-lai soaⁿ-khu tūi-húi.
- 1 goe̍h 3 ji̍t, I-lang chiong-kun Qasem Soleimani tī I-lak ê Baghdad hō͘ Bí-kok ê bû-jîn hui-hêng-ki chà--sí.
- 1 goe̍h 10 ji̍t, Oman so͘-tan-ông Qaboos bin Said kòe-sin.
- 1 goe̍h 11 ji̍t, Chhoà Eng-bûn tòng-soán Tiong-hoâ Bîn-kok tē 15 jīm chóng-thóng.
- 1 goe̍h 23 ji̍t, siū-tio̍h COVID-19 éng-hióng, Tiong-kok Bú-hàn-chhī chèng-sek hong-siâⁿ, sī jîn-lūi le̍k-sú-siōng thâu-chi̍t-pái ū jîn-kháu chhiau-kòe 1000-bān ê siâⁿ-chhī in-ūi e̍k-chêng hŏng hong-só.
- 1 goe̍h 26 ji̍t, Bí-kok nâ-kiû soán-chhiú Kobe Bryant chē ê ti̍t-seng-ki tūi-húi kòe-sin.
- 1 goe̍h 31 ji̍t, Eng-kok chèng-sek thè-chhut Au-bêng.
2 goe̍h
[siu-kái | kái goân-sí-bé]Siông-sè chhiáⁿ khoàⁿ: 2020 nî 2 goe̍h
- 2 goe̍h 11 ji̍t, Sè-kài Oē-seng Cho͘-chit kā 2019 nî 12 goe̍h khai-sí tī Tiong-kok po̍k-hoat ê pēⁿ-to̍k hō-miâ chò "COVID-19".
3 goe̍h
[siu-kái | kái goân-sí-bé]Siông-sè chhiáⁿ khoàⁿ: 2020 nî 3 goe̍h
- 3 goe̍h 11 ji̍t, Sè-kài Oē-seng Cho͘-chit soan-pò͘, COVID-19 ê e̍k-chêng í-keng chiâⁿ-chò choân-kiû "tōa-liû-hêng", thoân-pò͘ kàu siōng-bô 114-ê kok-ka hām tē-khu, chō-sêng 4000 gōa-lâng kòe-sin.
- 3 goe̍h 24 ji̍t, Kok-chè O͘-lím-phih-kuh Úi-oân-hōe soan-pò͘, in-ūi e̍k-chêng ê koan-hē, 2020 nî Tang-kiaⁿ Ò-ūn ē iân-kî chi̍t-tang lâi kí-pān.
- 3 goe̍h 27 ji̍t, Pak Macedonia chèng-sek ka-ji̍p Pak Tāi-se-iûⁿ Kong-iok Cho͘-chit, chiâⁿ-chò tē-30-ê hōe-oân-kok.
4 goe̍h
[siu-kái | kái goân-sí-bé]Siông-sè chhiáⁿ khoàⁿ: 2020 nî 4 goe̍h
5 goe̍h
[siu-kái | kái goân-sí-bé]Siông-sè chhiáⁿ khoàⁿ: 2020 nî 5 goe̍h
- 5 goe̍h 18 ji̍t, Sè-kài Oē-seng Tāi-hōe thâu-chi̍t-pái í sòaⁿ-téng ê hong-sek lâi tián-khui.
- 5 goe̍h 25 ji̍t, Hui-chiu-hē Bí-kok-lâng George Floyd in-ūi hō͘ kéng-chhat kūi tī ām-á-kún téng-koân kòe-sin, chō-sêng Bí-kok ê khòng-gī oa̍h-tāng.
6 goe̍h
[siu-kái | kái goân-sí-bé]Siông-sè chhiáⁿ khoàⁿ: 2020 nî 6 goe̍h
- 6 goe̍h 2 ji̍t, Liân-ha̍p Boán-pò thêng-khan.
- 6 goe̍h 4 ji̍t, kì-liām Lio̍k-sù sū-kiāⁿ ê oa̍h-tāng hō͘ Hiong-káng kéng-chhat í e̍k-chêng ûi iû kìm-chí.
- 6 goe̍h 6 ji̍t, Ko-hiông chhī-tiúⁿ Hân Kok-jû hőng pā-bián, chiâⁿ-chò Tiong-hôa Bîn-kok thâu-chi̍t-ê hőng pā-bián ê ti̍t-hat-chhī siú-tiúⁿ.
- 6 goe̍h 15 ji̍t, Ìn-tō͘ kah Tiong-kok ê pō͘-tūi tī nn̄g-kok pian-kài hoat-seng chhiong-tu̍t.
- 6 goe̍h 21 ji̍t, hoat-seng sit-ji̍t, Hui-chiu kah A-chiu chin-chē só͘-chāi lóng ē-tàng khòaⁿ-tio̍h.
- 6 goe̍h 30 ji̍t, Tiong-hôa Jîn-bîn Kiōng-hô-kok Choân-kok Jîn-tāi Siông-úi-hōe thong-kòe "Hiong-káng Kok-an-hoat".
7 goe̍h
[siu-kái | kái goân-sí-bé]Siông-sè chhiáⁿ khoàⁿ: 2020 nî 7 goe̍h
- 7 goe̍h 3 ji̍t, Tiong-kok lâm-hong chò-tōa-chúi.
- 7 goe̍h 10 ji̍t, Thó͘-ní-kî kā Sèng Sophia kái tńg-khì chheng-chin-sī, ín-khí cheng-gī.
- 7 goe̍h 12 ji̍t, Ha-iâ-kok kah A-jia̍t-bâi-chiàⁿ tī siang-hong pian-kài hù-kīn hoat-seng bú-chong chhiong-tu̍t, tī 4-kang ê chhiong-tu̍t lāi-té chō-sêng siōng-bô 17-lâng kòe-sin, kî-tiong 1-lâng sī pêng-bîn.
- 7 goe̍h 18 ji̍t, Thài-kok hoat-seng hoán-tùi chèng-hú ê khòng-gī oa̍h-tāng.
8 goe̍h
[siu-kái | kái goân-sí-bé]Siông-sè chhiáⁿ khoàⁿ: 2020 nî 8 goe̍h
- 8 goe̍h 4 ji̍t, Lī-pa-lùn siú-to͘ Beirut hoat-seng po̍k-chà sū-kiāⁿ, chō-sêng 137-lâng kòe-sin, 5000 gōa-lâng tio̍h-siong.
- 8 goe̍h 13 ji̍t, Í-sek-lia̍t kah A-la-pek Liân-ha̍p Thâu-lâng-kok kiàn-li̍p gōa-kau koan-hē.
9 goe̍h
[siu-kái | kái goân-sí-bé]Siông-sè chhiáⁿ khoàⁿ: 2020 nî 9 goe̍h
- 9 goe̍h 12 ji̍t, A-hù-hān kah Taliban tī Qatar siú-to͘ Tō͘-ha tâm-phòaⁿ, hi-bāng ē-tàng kiat-sok siang-hong cha̍p-tang í-lâi ê chiàn-cheng.
10 goe̍h
[siu-kái | kái goân-sí-bé]Siông-sè chhiáⁿ khoàⁿ: 2020 nî 10 goe̍h
11 goe̍h
[siu-kái | kái goân-sí-bé]Siông-sè chhiáⁿ khoàⁿ: 2020 nî 11 goe̍h
- 11 goe̍h 7 ji̍t, Joe Biden tòng-soán Bí-kok chóng-thóng.
- 11 goe̍h 9 ji̍t, Ha-iâ-kok kah A-jia̍t-bâi-chiàⁿ chhiam-sú hia̍p-tēng, kiat-sok 6-lé-pài í-lâi sí kúi-pah-lâng ê chiàn-cheng, chit-ê hia̍p-tēng hō͘ Ha-iâ-kok hòng-khì Nagorno-Karabakh tē-khu.
- 11 goe̍h 11 ji̍t, Tiong-kok Jîn-tāi Siông-úi-hōe cheng-ka tùi Hiong-káng Li̍p-hoat Hōe gī-oân chu-keh ê kui-tēng, Hiong-káng chèng-hú sûi soan-pò͘ chhú-siau 4-ê gī-oân ê chu-keh, kî-thaⁿ hoàn-bîn-chú-phài gī-oân chū-án-ne soan-pò͘ chi̍p-thé sî-chit khòng-gī.
- 11 goe̍h 18 ji̍t, Tiong-hôa Bîn-kok Kok-ka Thong-sìn Thoân-pò͘ Úi-oân-hōe hóⁿ-koat Tiong-thian Sin-bûn-tâi ōaⁿ-chiàu.
12 goe̍h
[siu-kái | kái goân-sí-bé]Siông-sè chhiáⁿ khoàⁿ: 2020 nî 12 goe̍h
- 12 goe̍h 2 ji̍t, Eng-kok he̍k-chún Pfizer kah BioNTech chò-hóe gián-hoat ê e̍k-biâu, chiâⁿ-chò sè-kài-siōng thâu-chi̍t-ê he̍k-chún COVID-19 e̍k-biâu ê kok-ka, pēng-chhiáⁿ tī 8-hō khai-sí chù-siā.
- 12 goe̍h 20 ji̍t, Tâi-thih Lâm-hôe Sòaⁿ oân-sêng tiān-khì-hòa.
- 12 goe̍h 31 ji̍t, Pfizer－BioNTech e̍k-biâu chiâⁿ-chò thâu-chi̍t-ê hō͘ Sè-kài Oē-seng Cho͘-chit khak-jīn ê COVID-19 e̍k-biâu.
Bô ji̍t-kî
[siu-kái | kái goân-sí-bé]Kok-ka léng-tō-chiá
[siu-kái | kái goân-sí-bé]Siông-sè chhiáⁿ khoàⁿ: 2020 nî kok-ka léng-tō-chiá lia̍t-toaⁿ
Chhut-sì
[siu-kái | kái goân-sí-bé]Kòe-sin
[siu-kái | kái goân-sí-bé]- 1 goe̍h 2 ji̍t: Sím It-bêng, Tiong-hoâ Bîn-kok (Tâi-oân) ê chiong-kun, 1957 nî chhut-sì.
- 1 goe̍h 3 ji̍t: Qasem Soleimani, I-lang ê chiong-kun, 1957 nî chhut-sì.
- 1 goe̍h 10 ji̍t: Qaboos bin Said, Oman ê so͘-tan-ông, 1940 nî chhut-sì.
- 1 goe̍h 26 ji̍t: Kobe Bryant, Bí-kok NBA nâ-kiû soán-chhiú, 1978 nî chhut-sì.
- 2 goe̍h 25 ji̍t: Hosni Mubarak, Ai-ki̍p chóng-thóng, 1928 nî chhut-sì.
- 3 goe̍h 4 ji̍t: Javier Pérez de Cuéllar, Liân-ha̍p-kok tē-5 jīm ê pì-su-tiúⁿ, 1920 nî chhut-sì.
- 5 goe̍h 26 ji̍t: Hô Hông-sin, Ò-mn̂g ê si̍t-gia̍p-ka, 1921 nî chhut-sì.
- 7 goe̍h 30 ji̍t: Lí Teng-hui, Tiong-hoâ Bîn-kok chóng-thóng, 1923 nî chhut-sì.