Wikipedia (chū-iû ê pek-kho-choân-su) beh kā lí kóng...
6 goe̍h 9 ji̍t, ia̍h sī kóng 6 goe̍h 9 hō, sī Gregorius Le̍k-hoat lāi-bīn chi̍t tang ê tē 160 kang (lūn-nî tē 161 kang), lī nî-té iáu ū 205 kang.
- 68 nî: Lô-má Tè-kok hông-tè Nero chū-sat.
- 550 nî: Ko Iông chhoàn Tong Gūi chū-li̍p, kok-hō Chê, āu-sì it-poaⁿ hō-chò "Pak Chê".
- 1815 nî: Vienne Hōe-gī kiat-sok, Napoléon 1-sè chiàn-pāi liáu-āu ê Au-chiu chèng-tī pán-tô͘ hō͘ lia̍t-kiông têng-sin kiàn-li̍p--khí-lâi.
- 1885 nî: Chheng-kok kap Hoat-kok chhiam-tēng Tiong-Hoat Sin-iok, kiat-sok Tiong-Hoat Chiàn-cheng, Hoat-kok kā sè-le̍k iân-sin kàu Hûn-lâm kah Kńg-sai.
- 1898 nî: Chheng-kok kap Eng-kok chhiam-tēng Tián-thok Hiong-káng Kài-chí Choan-tiâu, Chheng-kok chiong Sin-kài chioh hō͘ Eng-kok 99 nî.
- 1934 nî: Bí-kok oē-ka Walter Disney oē ê Donald Duck tī Walt Disney Kong-si ê tōng-oē-phìⁿ lāi-bīn thâu hoê chhut-hiān.
- 1938 nî: Tiong-Ji̍t Chiàn-cheng: Tiong-kok Kok-bîn Chèng-hú chhui-húi N̂g-hô ê poh-hōaⁿ lâi chó͘-tòng Ji̍t-pún kun-tūi ê khoài-sok chhim-chiàm, chō-sêng N̂g-hô pang-hōaⁿ sū-kiāⁿ, thâi-sí chí-chió 400,000 lâng.
- 1946 nî: Thài-kok kok-ông Ananda Mahidol koè-sin, iû i ê tī Bhumibol Adulyadej kè-sêng ông-ūi.
- 2019 nî: Hiong-káng hoat-khí hoán-tùi siu-tēng Tô-hoān Tiâu-lē ê iû-hêng, chhiau-kòe 103-bān lâng chham-ka, sī Hiong-káng chú-khoân î-kau liáu-āu kui-bô͘ tē-2-tōa ê iû-hêng. (chù: Tē-it-tōa ê iû-hêng tī 7-kang liáu-āu ê 2019 nî 6 goe̍h 16, kāng-khoán sī hoán-tùi siu-tèng Tô-hoān Tiâu-lē chháu-àn.)
Ò-chiu Eng-ông Koaⁿ-hong Seⁿ-ji̍t: Ò-chiu kā Koaⁿ-hong Seⁿ-ji̍t tēng tī ta̍k-nî 6 goe̍h ê tē-jī-ê pài-it, Sai Ò-chiu lia̍h-gōa.
Tiong-hôa Bîn-kok Thih-lō͘-cheh
Uganda Eng-hiông Ji̍t
