A-chiu Sù-siáu-liông

Wikipedia (chū-iû ê pek-kho-choân-su) beh kā lí kóng...
Thiàu khì: se̍h chām, chhiau-chhoē
A-chiu Sù-siáu-liông

A-chiu Sù-siáu-liông (亞洲四小龍; pe̍h-ōe-im: A-chiu Sì-sió-lêng; Eng: Four Asian Tigers) he̍k-chiá A-sè-a Sù-siáu-liông (亞細亞四小龍) sī 4 ê chū 1970 nî-tāi khai-sí khoài-sok hoat-tián ê A-chiu keng-chè-thé, pau-hâm Hân-kok, Tâi-oân, Hiong-káng iáu-koh-ū Sin-ka-pho. Chit 4 ê A-chiu keng-chè-thé tī 1970 chì 1990 nî-tāi, keng-chè ê hoat-tián khoài-sok sêng-tióng; tī che chìn-chêng, in-ê sán-gia̍p lóng sī lông-gia̍p kap kheng-kang-gia̍p ûi-chú. In lī-iōng se-hong sian-chìn kok-ka hiòng hoat-tián-tiong kok-ka choán-î kāu-kang-hêng sán-gia̍p ê ki-hōe, khip-ín gōa-kok tāi-liōng ê chū-kim kap ki-su̍t, lī-iōng pún-tē sio̍k-kè ê lô-tōng-le̍k iu-sè, phòe-ha̍p keng-chè chèng-chhek ê chè-tēng kap tiâu-chéng, chhiok-chìn keng-chè ê sêng-kong hoat-tián. A-chiu Sù-siáu-liông sī A-chiu tē-khu, chiap-sio̍k tī Ji̍t-pún āu-piah ê sin-heng keng-chè-thé, iā sī keng-chè hoat-tián kap choán-hêng ê tián-hêng tāi-piáu.

Siong-koan[siu-kái | kái goân-sú-bé]