Bí-kok To̍k-li̍p Soan-giân
To̍k-li̍p Soan-giân (Eng-bûn: Declaration of Independence) sī 1776 nî 7 goe̍h 4 ji̍t Tāi-lio̍k Hōe-gī tī Philadelphia phe-chún ê chi̍t hāng chèng-tī soan-giân; soan-pò͘ Pak Bí-chiu Cha̍p-saⁿ Si̍t-bîn-tē chèng-sek ùi Tāi Britain Ông-kok to̍k-li̍p. Chit kang lo̍h-bóe chiâⁿ-chò Bí-kok ê To̍k-li̍p Kì-liām-ji̍t. To̍k-li̍p Soan-giân bo̍k-chiân chûn-hòng chāi Bí-kok Washington, D.C. ê Kok-ka Tóng-àn kap Kì-lo̍k Koán-lí-kio̍k.