Chū-sat

Wikipedia (chū-iû ê pek-kho-choân-su) beh kā lí kóng...
Édouard Manet ê chok-phín Le Suicidé

Chū-sat (自殺; Eng-bûn: suicide), he̍k-chiá chū-chīn (自盡), kiâⁿ té-lō͘ (行短路), sī thiâu-kang chō-sêng ka-kī sí-bông ê hêng-ûi. Chū-sat hêng-ûi ê hoat-seng it-poaⁿ sī ut-chut ê kiat-kó; khí-in tī cheng-sîn-pēⁿ, pí-lūn iu-ut-chèng, sò-ut-chèng, cheng-sîn-hun-lia̍t-chèng, pian-iân-sèng jîn-keh chiòng-gāi,[1] chiú-cheng tiòng-to̍k, ia̍h-sī io̍h-bu̍t lām-iōng[2], lēng-gōa iáu-koh ū ap-le̍k in-sò͘ chhan-chhiūⁿ keng-chè khùn-lân, jîn-chè koan-hē būn-tê, kap lêng-tī téng-téng in-sò͘.[3] Chū-sat hông-tī ê khang-khòe pau-koat hān-chè chiông-sū chū-sat hêng-ûi ê hong-hoat kap ki-hōe, pí-lūn chhèng-ki kap to̍k-io̍h koán-chè, tī-liâu cheng-sîn-pēⁿ, iáu-ū kái-siān keng-chè tiâu-kiāⁿ. Sui-jiân gûi-ki jia̍t-sòaⁿ chin chia̍p-khòaⁿ, m̄-koh in tùi chū-sat hông-tī hāu-kó pēng-bô ti̍t-chiap koan-liân.[4]

Chham-khó[siu-kái | kái goân-sí-bé]

  1. Paris, J (June 2002). "Chronic suicidality among patients with borderline personality disorder". Psychiatric services (Washington, D.C.). 53 (6): 738–42. doi:10.1176/appi.ps.53.6.738. PMID 12045312. 
  2. Hawton K, van Heeringen K (April 2009). "Suicide". Lancet. 373 (9672): 1372–81. doi:10.1016/S0140-6736(09)60372-X. PMID 19376453. 
  3. Bottino, SM; Bottino, CM; Regina, CG; Correia, AV; Ribeiro, WS (March 2015). "Cyberbullying and adolescent mental health: systematic review". Cadernos de saude publica. 31 (3): 463–75. PMID 25859714. 
  4. Sakinofsky, I (June 2007). "The current evidence base for the clinical care of suicidal patients: strengths and weaknesses". Canadian Journal of Psychiatry. 52 (6 Suppl 1): 7S–20S. PMID 17824349.