ChatGPT

**ChatGPT**
Khai-hoat	OpenAI
Goân-chho͘ ; pán-pún	2022 nî 11 goe̍h 30 ji̍t; 16 kò go̍eh í-chêng
Ún-tēng ; pán-pún	2023 nî 8 goe̍h 3 ji̍t; 8 kò go̍eh í-chêng
Gí-giân	Python
Ia̋n-jín	GPT-3.5; GPT-4;
Pêng-tâi	Cloud computing platforms
Lūi-hêng	Pang-bô͘:Indented plainlist
Siū-koân	Proprietary
Bāng-chām	chat.openai.com

ChatGPT (Eng-gí: Chat Generative Pre-trained Transformer), ì-sù ī Khai-káng Seⁿ-sêng Ī-hùn-liān Piàn-ōaⁿ Bô͘-hêng, sī OpenAI khai-hoat ê chi̍t ê jîn-kang tì-lêng khai-káng ke-khì-lâng thêng-sek, tī 2022 nî 11 goe̍h thui-chhut. Chit-ê thêng-sek sī kin-kì GPT-3.5 kè-kò͘ ê tōa-hêng gí-giân bô͘-hêng pēng thàu-kòe kiông-hòa ha̍k-si̍p lâi chìn-hêng hùn-liān.

ChatGPT bo̍k-chiân iu-goân sī ēng bûn-jī hong-sek hō͘-tōng, ah tû-liáu ē-tàng thàu-kòe jîn-lūi chū-jiân tùi-ōe hong-sek chìn-hêng hō͘-tōng, iáu-koh ē-tàng chò siong-tùi ho̍k-cha̍p ê gí-giân khang-khòe, pau-hâm chū-tōng bûn-jī seⁿ-sêng, chū-tōng būn-tap, chū-tōng tiah-iàu téng chāi-lāi ê chē chióng jīm-bū. Chhin-chhiūⁿ: tī chū-tōng bûn-jī seⁿ-sêng hong-bīn, ChatGPT thang kin-kì su-ji̍p ê bûn-jī chū-tōng seⁿ-sêng lūi-sū ê bûn-jī (kio̍k-pún, koa-khek, khì-oe̍h téng-téng); tī chū-tōng būn-tap hong-bīn, ChatGPT thang kin-kì su-ji̍p ê būn-tê chū-tōng seⁿ-sêng tap-àn; iáu-koh ū pian-siá kap tû-chhò tiān-náu thêng-sek ê lêng-le̍k. Tī thui-kóng kî-kan, só͘-ū lâng thang bián-hùi chù-chheh, pēng tī teng-ji̍p liáu-āu bián-hùi sú-iōng ChatGPT si̍t-hiān hām AI ke-khì-lâng tùi-ōe.