Chhiong (thian-bûn-ha̍k)

Chhiong (衝), he̍k-chiá chhiong-ji̍t (衝日), sī thian-bûn-ha̍k ê chi̍t ê bêng-sû. Ùi chi̍t lia̍p soán-tēng ê thian-thé (thong-siông sī Tē-kiû) chò ki-chún, khì koan-chhat lēng-gōa chi̍t lia̍p thian-thé kap chham-khó thian-thé (thong-siông sī Thài-iông) ê siong-tùi ūi-tì ê sî, 3 lia̍p thian-thé tī kāng chi̍t tiâu ti̍t-sòaⁿ téng, jî-chhiáⁿ soán-tēng ê thian-thé tī chham-khó thian-thé kap lēng-gōa chi̍t lia̍p thian-thé ê tiong-kan; chit-ê sî-chūn, chham-khó thian-thé kap lēng-gōa chi̍t lia̍p thian-thé ê ūi-tì chiū hō-chò "chhiong".