George Orwell

Wikipedia (chū-iû ê pek-kho-choân-su) beh kā lí kóng...
George Orwell

George Orwell, pún-miâ Eric Arthur Blair (1903 nî 6 goe̍h 25 – 1950 nî 1 goe̍h 21), sī 1-ê Liân-ha̍p Ông-kok chok-ka kiam kì-chiá. I ê chèng-tī kap bûn-hòa phêng-lūn te̍k-pia̍t ū miâ-siaⁿ. I sī 20 sè-kí Eng-bûn-kài siāng chia̍p hō· lâng o-ló ê sàn-bûn-ka chi-it. Chóng--sī i siāng kài tit lâng chai ê tù-chok sī i boán-liân (1940 nî-tāi) siá--ê hit 2 pún siáu-soat: Tōng-bu̍t Lông-chng kap 1984 nî. Thâu-chêng-pún sī chèng-tī gū-giân, āu-1-pún biô-siá 1-ê ke̍k-koân-chú-gī chi-hā ê dystopia. I ê miâ tī Eng-gí lāi-té í-keng chiâⁿ-chò 1-ê hêng-iông ke̍k-koân su-sióng khòng-chè ê hêng-iông-sû (Orwellian).

Orwell bat chū-goān chham-ka Se-pan-gâ Lōe-chiàn, khiā tī kiōng-hô-phài hit-pêng. I tùi Stalin-chú-gī ê phoe-phêng pēng-bô éng-hióng i tùi bîn-chú siā-hōe-chú-gī ê kî-thāi kap ǹg-bāng.