Hô-lân Tang Ìn-tō͘

Wikipedia (chū-iû ê pek-kho-choân-su) beh kā lí kóng...
Thiàu khì: se̍h chām, chhiau-chhoē

Hô-lân Tang Ìn-tō͘ (Nederlands-Indië), ū kiò Hô-lân niá Tang Ìn-tō͘, kán-chheng Lân-Ìn (蘭印), sī Hô-lân ê si̍t-bîn-tē, siú-hú Batavia (āu-lâi ê Jakarta), 1949 nî siū sêng-jīm sêng-li̍p chú-khoân kok-ka Ìn-tō͘-nî-se-a.

Hô-lân Tang Ìn-tō͘ chi̍t khai-sí sī 17 sè-kí Hô-lân Tang Ìn-tō͘ Kong-si (VOC) keng-êng, 1800 nî ê sî kong-si siū kok-ka-hòa. Ji̍t-pún tī Tē-jī-chhù Sè-kài Tāi-chiàn tang-tiong, ùi 1942 nî chiàm-niá kàu 1945 nî chiàn-cheng kiat-sok.

1945 nî 8 goe̍h 17, Ìn-tō͘-nî-se-a soan-pò͘ to̍k-li̍p, keng-kòe tùi Hô-lân kap chi-chhî Hô-lân ê chāi-tē sè-le̍k ê chiàn-cheng liáu-āu, 1949 nî 8 goe̍h 17 Hô-lân koan-hong sêng-jīm Ìn-tō͘-nî-se-a ê to̍k-li̍p.