Ìn-nî

Wikipedia (chū-iû ê pek-kho-choân-su) beh kā lí kóng...
Indonesia Kiōng-hô-kok
Republik Indonesia
Ìn-nî kî-á
kok-kî
Ìn-nî kok-hui
kok-hui
Chu-kù: Bhinneka Tunggal Ika
"to-iūⁿ-sèng tiong ê thoân-kiat"
Kok-koa: Indonesia Raya
"Úi-tāi ê Ìn-nî"
Siú-to͘
kap siāng-tōa siâⁿ-chhī
Jakarta
Koaⁿ-hong gí-giân Ìn-nî-gí
Sêng-jīn ê kok-ka gí-giân Ìn-nî-gí
Chèng-hú tan-it-chè, chóng-thóng-chè, kiōng-hô-kok
• chóng-thóng
Joko Widodo
• hù-chóng-thóng
Ma'ruf Amin
• Kok-bîn Gī-hoē gī-tiúⁿ
Puan Maharani
• Choè-ko hoat-koaⁿ
Muhammad Syarifuddin
Li̍p-hoat ki-kò͘ Kok-bîn Hia̍p-gī-hoē
Tē-hng Tāi-piáu Gī-hoē
Kok-bîn Gī-hoē
Bīn-chek
• Lóng-chóng
1,904,569 km2 (735,358 sq mi) (tē 14 miâ)
• chúi-he̍k (%)
4.85
Jîn-kháu
• 2020 nî kó͘-kè
270,203,917 (tē 4 miâ)
• Bi̍t-tō͘
141/km2 (365.2/sq mi) (tē 88 miâ)
GDP (PPP) 2022 nî kó͘-kè
• Lóng-chóng
Increase$3.842 bān-ek (tē 7 miâ)
• Pêng-kin
Increase$13,981 (tē 96 miâ)
GDP (bêng-gī) 2022 nî kó͘-kè
• Lóng-chóng
Increase$1.247 bān-ek (tē 16 miâ)
• Pêng-kin
Increase$4,538 (tē 104 miâ)
Gini (2019 nî) Negative increase 38.2
tiong
HDI (2019 nî) Increase 0.718
ko · tē 107 miâ
Hoè-pè Ìn-nî rupiah (Rp) (IDR)
Sî-khu UTC+7 ~ +9
Sî-kan keh-sek DD/MM/YYYY
Siong-iōng tiān-goân 220 V–50 Hz
Khui-chhia hong-hiòng chó
Tiān-oē khu-hō +62
ISO 3166 tāi-hō ID
Siōng-téng domain .id

Ìn-nî (印尼), choân-chheng Ìn-tō͘-nî-se-a Kiōng-hô-kok (印度尼西亞共和國; Ìn-nî-gí: Republik Indonesia), sī tī Tang-lâm-a poàn-tó kap Ò-chiu ê tiong-kan só͘-chai, mā tī Ìn-tō͘-iûⁿ kap Thài-pêng-iûⁿ tiong-kan ê kok-ka, sī sè-kài siōng toā ê kûn-tó. Tī Borneo-tó siōng, Ìn-nî kap Má-lâi-se-a ê piⁿ-kài sio-tú; New Guinea-tó ê sai-pêng iû Ìn-nî thóng-tī, tang-pêng sio̍k-î Papua New Guinea kok; Ìn-nî mā thóng-tī Timor-tó ê sai-pêng, tang-pêng sī Tang Timor kok.

Tē-lí[siu-kái | kái goân-sí-bé]

Ìn-nî koán-hat iok-lio̍k 17,000 ê tó (kî-tiong 6-chheng ê ū toà lâng), lóng tī chhiah-tō hù-kīn, khì-hāu sī jia̍t-tāi-sèng--ê. Siōng toā ê tó-sū ū Java (1-poàⁿ ê jîn-kháu tiàm hia khiā-khí), Sumatra, Borneo, Irian Jaya, kap Sulawesi téng-téng.

Ìn-nî ê ūi-tī oá-kīn tāi-lio̍k tē-pang ê kîⁿ, só͘-í tiāⁿ-tiāⁿ siū tē-tāng, tsunami éng-hióng. Hoé-soaⁿ mā chē, siōng chhut-miâ--ê sī í-keng bô--khì ê Krakatau (Krakatoa) hoé-soaⁿ.

Siā-hoē[siu-kái | kái goân-sí-bé]

Ìn-nî ê jîn-kháu ē-sái tāi-iok-á pun 2 tīn lâng. Sai-pêng ê lâng-chéng chú-iàu sī Má-lâi-lâng, ah tang-pêng chú-iàu sī Papua-lâng. Cho̍k-kûn kiat-kò· pí-kàu khah ho̍k-cha̍p, pau-koat ū Borneo, Irian Jaya hit tah ê thoân-thóng pō·-lo̍k. Hoâ-jîn sī 1 ê toā chió-sò· bîn-cho̍k, ū 2~3 pah-bān chē. In tī keng-chè léng-he̍k te̍k-pia̍t oa̍h-thiàu.

Islam-kàu sī Ìn-nî chú-iàu ê chong-kàu, sìn-tô· tāi-iok ū 82% chē. Chhun ê sī Ki-tok-kàu (9%), Hu̍t-kàu (2%), Ìn-tō·-kàu. Choè-kīn kúi nî ū bē-chió chong-kàu chhiong-tu̍t hoat-seng.

Koaⁿ-hong gí-giân Ìn-nî-gí (Má-lâi-oē ê 1 chióng) chiâⁿ phó·-phiàn. Chóng--sī tē-hng gí-giân chiah sī pêng-siông-sî ê chú-iàu oē-gí.

Keng-chè[siu-kái | kái goân-sí-bé]

Pian-chi̍p tiong Chit pha iáu-bōe ū lâng siá. Chhiáⁿ tàu pó͘-chhiong lōe-iông.

Le̍k-sú[siu-kái | kái goân-sí-bé]

Pian-chi̍p tiong Chit pha iáu-bōe ū lâng siá. Chhiáⁿ tàu pó͘-chhiong lōe-iông.

Chèng-tī[siu-kái | kái goân-sí-bé]

Ìn-nî siōng koân ê li̍p-hoat ki-kò· hō-chò Majelis Permusyawaratan Rakyat (MPR), iā-chiū-sī Jîn-bîn Hia̍p-gī Hōe. Che sī 1 ê tan-īⁿ-chè ê gī-hoē, ē-kha siat Jîn-bîn Tāi-piáu Hoē (Dewan Perwakilan Rakyat , DPR) kap Tē-hng Tāi-piáu Hoē (Dewan Perwakilan Daerah, DPD). 2004 nî ê soán-kí kiat-sok liáu-āu, àn-sǹg Jîn-bîn Hia̍p-gī Hōe ē chiâⁿ-chò siang-īⁿ-chè ê kok-hoē.

Chóng-thóng hoāⁿ hêng-chèng koân. Hiān-jīm ê chóng-thóng sī Megawati Sukarnoputri, i sī Sukarno ê cha-bó·-kiáⁿ.

Jîn-bîn Hia̍p-gī Hōe pún-té múi 5 tang soán chhut 1-ūi sin chóng-thóng kap hù-chóng-thóng. 2004 nî khai-sí thàu-koé kong-bîn tāi-soán lâi koat-tēng. Tē-1-pái ê tāi-soán tī 2004 nî 7-goe̍h kí-pān, soán chhut 2-cho· hiō-soán-jîn, Susilo Bambang Yudhoyono (SBY) kap Megawati Sukarnoputri. Tē-2 kai-toāⁿ ê tâu-phiò tī 9-goe̍h 20 oân-sêng, chèng-sek kiat-kó hián-sī Susilo the̍h-tio̍h 60.9% ê phiò, àn-sǹg ē sūn-lī tī 10 goe̍h 20 chiū-jīm.