Ìn-nî-gí
Ìn-nî-gí (Bahasa Indonesia) sī Tang-lâm-a kok-ka Ìn-nî ê koan-hong gí-giân, sǹg sī Má-lâi-gí ê chi̍t-ê siū kui-hoān ê hêng-sek. Ìn-nî-gí mā sī Lâm-tó gí-giân ê chi̍t hūn-chú, ū tāi-iok 1700 bān ê chāi-tē sú-iōng-chiá; thong-sè-kài koh ū 2 ek lâng ē-hiáu chit khoán gí-giân.
Bûn-jī hē-thóng
[siu-kái | kái goân-sí-bé]Ìn-nî-gí ēng Lô-má-jī lâi siá, it-poaⁿ ho͘-im kap tàu-jī chin tùi-tâng.
Jī-bó
[siu-kái | kái goân-sí-bé]Ìn-nî-gí ê jī-bó-hē chhái-ēng ki-pún ê 26-ê jī-bó.
| Tōa-pún-jī | |||||||||||||||||||||||||
| A | B | C | D | E | F | G | H | I | J | K | L | M | N | O | P | Q | R | S | T | U | V | W | X | Y | Z |
| Sió-pún-jī | |||||||||||||||||||||||||
| a | b | c | d | e | f | g | h | i | j | k | l | m | n | o | p | q | r | s | t | u | v | w | x | y | z |
Ìn-nî-gí tùi jī-bó ê hō-miâ, sī tòe Hô-lân-gí jī-bó-hē kiâⁿ. Ìn-nî-gí ê jī-bó-hē sī chi̍t khoán im-sò͘-sek chiàⁿ-jī-hoat (phonemic orthography), in ê tan-jī sī chiàu ho͘-im tàu-jī, taⁿ ū chió-hūn bô chiàu-lē. Jī-bó Q, V, kap X sī hán tit ēng--ê, chú-iàu sī ēng ùi chioh-jī (gōa-lâi-gí).
| Jī-bó | Hō-miâ (kì IPA) | Ho͘-im (kì IPA) | Gōa-gí tùi-tâng |
|---|---|---|---|
| Aa | a (/a/) | /a/ | a, ná a-pah |
| Bb | bé (/be/) | /b/ | b, ná a-bú |
| Cc | cé (/t͡ʃe/ ia̍h /se/) | /t͡ʃ/ | ch, ná Eng-gí ê check |
| Dd | dé (/de/) | /d/ | d, ná Eng-gí ê day |
| Ee | é (/e/) | /e/ | e, ná sa-te |
| Ff | éf (/ef/) | /f/ | f, ná Eng-gí effort |
| Gg | gé (/ge/) | /ɡ/ | g, ná gô-á |
| Hh | ha (/ha/) | /h/ | h, ná hong |
| Ii | i (/i/) | /i/ | i, ná sin |
| Jj | jé (/d͡ʒe/) | /d͡ʒ/ | j, ná Eng-gí ê jam |
| Kk | ka (/ka/) | /k/ | k, ná ka-cho̍k |
| Ll | él (/el/) | /l/ | l, ná lán-lâng |
| Mm | ém (/em/) | /m/ | m, ná a-má |
| Nn | én (/en/) | /n/ | n, ná nè-sàng |
| Oo | o (/o/) | /o/ | o, ná o-á |
| Pp | pé (/pe/) | /p/ | p, ná pah-hòe |
| ki (/ki/) | /q/ | q, ná Eng-gí ê queen | |
| Rr | ér (/er/) | /r/ | Ná Se-pan-gâ-gí ê rr, chhiūⁿ puerro |
| Ss | és (/es/) | /s/ | s, ná sóng |
| Tt | te (/te/) | /t/ | t, ná ta-ke |
| Uu | u (/u/) | /u/ | u, ná ti-tu |
| Vv | ve (/ve/ ia̍h /fe/) | /v/ | v, ná Eng-gí ê van |
| Ww | we (/we/) | /w/ | w, ná Eng-gí ê wet |
| Xx | ex (/ex/) | /ks/ | x, ná Eng-gí ê xylophone |
| Yy | yé (/je/) | /j/ | y, ná Eng-gí ê yarn |
| Zz | zet (/zet/) | /z/ | z, ná Eng-gí ê zebra |
Ìn-nî-gí ia̍h ū siang-jī-bó (digraph) ê koan-liām, in sī hông tòng-chò chi̍t-ê jī-bó leh sú-iōng:[1]
| Siang-jī-bó | Ho͘-im | Gōa-gí tùi-tâng |
|---|---|---|
| ai | /ai̯/ | uy, ná Eng-gí ê buy |
| au | /au̯/ | ou, ná Eng-gí ê ouch |
| oi | /oi̯/ | oy, ná Eng-gí ê boy |
| gh | /ɣ/ ia̍h /x/ | Ná Tek-gí ê ch, m̄-koh ū-siaⁿ |
| kh | /x/ | ch, ná Eng-gí ê loch |
| ng | /ŋ/ | ng, ná seng |
| ny | /ɲ/ | Ná Se-pan-gâ-gí ê ñ. |
| sy | /ʃ/ | sh, ná Eng-gí ê shoe |
Goā-lâi-gí
[siu-kái | kái goân-sí-bé]Siū tio̍h si̍t-bîn kap î-bîn ê éng-hióng, Ìn-nî-gí ū chin chē tùi kî-tha gí-giân chioh lâi ê sû-gí. Chhan-chhiūⁿ Hô-lân-gí goân-thâu ê goā-lâi-gí ū polisi (kéng-chhat), wortel (âng-chhài-thâu) téng-téng. Tùi Phû-tô-gâ-gí lâi-ê ū chhan-chhiūⁿ sabun (sap-bûn) kap bola (kiû).
Ìn-nî-gí mā ū chiâⁿ chē Hok-kiàn-ōe goân-thâu ê goā-lâi-gí, chhan-chhiūⁿ mie (mī), lumpia (lūn-piáⁿ), teko (tê-kó͘). Lēng-goā koh ū Hoân-gí lâi-ê chhan-chhiūⁿ raja (ông), kaca (kiàⁿ/po-lê); A-la-pek-gí lâi-ê kitab (chheh), kamus (sû-tián) téng-téng.
Liân-kiat
[siu-kái | kái goân-sí-bé]
- ↑ "Malay language, alphabets and pronunciation". www.omniglot.com.