Akrotiri kap Dhekelia

Wikipedia (chū-iû ê pek-kho-choân-su) beh kā lí kóng...
Thiàu khì: se̍h chāmchhiau-chhoē
Kam-á-sek só͘-chāi sī Liân-ha̍p Ông-kok ê léng-thó͘.

Akrotiri (Hi-lia̍p-gí: Ακρωτήρι) kap Dhekelia (Hi-lia̍p-gí: Δεκέλεια) sī Liân-ha̍p Ông-kok tiàm-tī Kypros (Kıbrıs) téng-koân ê 2-tè tē, hō͘-chò UK Chú-koân Ki-tē Tē-khu (Eng-gí: UK Sovereign Base Areas). Akrotiri tī tó ê lâm-pêng, kīn Lemesos-chhī, sì-chiu-ûi lóng sī Kýpros Kiōng-hô-kok ê léng-thó͘. Dhekelia tī tang-lâm-pêng, kīn Larnaca hit-tah-á, oá Liân-ha̍p-kok keh-lî-khu kap Türkiye-lâng khòng-chè ê léng-thó͘. Chit 2 ūi só͘-chāi tû-liáu kun-sū ki-tē í-gōa, oân-ná ū chhân kap chi̍t-kóa-á ki-chū-iōng-tē.