Hôa-lē-tó
Hôa-lē-tó (華麗島) sī Tâi-oân Ji̍t-pún sî-tāi ê chi̍t hūn bûn-ha̍k kî-khan, iā chiū sī Tâi-oân Si-jîn Hia̍p-hōe ê ki-koan cha̍p-chì, tī 1939 nî 12 goe̍h chhe 1 chhòng-khan. Se-chhoan Boán tam-jīm hoat-hêng-jîn, Pak-goân Chèng-kiat chò pian-chi̍p-jîn. I-ê lōe-iông í tòa tī Tâi-oân ê Ji̍t-pún-lâng kap Tâi-oân-lâng chok-ka só͘ chhòng-chok ê sin-si ûi tiong-sim. 1940 nî 1 goe̍h chhe 1, Tâi-oân Si-jîn Hia̍p-hōe kái-cho͘ khok-tiong chò Tâi-oân Bûn-gē-ka Hia̍p-hōe, pēng hoat-hêng ki-koan cha̍p-chì Bûn-gē Tâi-oân, chiah hoat-hêng 1 kî ê Hôa-lē-tó in-chhú thêng-khan.