HTC

Wikipedia (chū-iû ê pek-kho-choân-su) beh kā lí kóng...

HTCTâi-oân ê chi̍t keng siau-hùi tiān-chú sán-phín kong-si, Hàn-bûn choân-miâ Hông-ta̍t Kok-chè Tiān-chú Kó͘-hūn Iú-hān Kong-si (宏達國際電子股份有限公司), kán-chheng Hông-ta̍t-tiān (宏達電); chóng-pō͘ siat tī Sin-pak-chhī ê Sin-tiàm-khu. Tī 1997 nî sêng-li̍p, bo̍k-bīn í gián-hoat kap chè-chō hêng-tōng tiān-oē ûi chú-iàu gia̍p-bū.

HTC chi̍t-khai-sí í ODM kap tāi-kang seng-sán ûi chú-iàu gia̍p-bū, siat-kè pēng chè-chō chē chióng chong-tì, chhin-chhiūⁿ hêng-tōng tiān-ōe kap pêng-pán tiān-náu. HTC sī Open Handset Alliance ê chhòng-sí sêng-oân chi-it. HTC Dream tī chē-chē kok-ka iû T-Mobile ēng T-Mobile G1 ê miâ-hō lâi hêng-siau, sī chhī-bīn siōng tē-it ki ēng Android hē-thóng ūn-chok ê chhiú-ki-á. HTC lo̍h-bóe khai-sí HTC One hē-lia̍t téng ka-kī ê chhiú-ki-á sán-phín.