Hun-chú seng-bu̍t-ha̍k ê tiong-sim kui-tiâu

Wikipedia (chū-iû ê pek-kho-choân-su) beh kā lí kóng...
Thiàu khì: se̍h chām, chhiau-chhoē

Hun-chú seng-bu̍t-ha̍k ê tiong-sim kui-tiâu (Eng-gí: central dogma of molecular biology) sī chi̍t khoán tùi ûi-thoân chu-sìn liû-thong kòe-têng ê ké-soeh. It poaⁿ lí-kái ê tiong-sim kui-tiâu, sī kóng "DNA chè-chō RNA, RNA koh chè-chō tān-pe̍h-chit." Che lāi-bīn pau-koat DNA pún-sin chu-sìn ê DNA ho̍k-chè, DNA chu-sìn choán kòe RNA ê choán-siá kòe-têng, kap RNA chu-sìn choán chò tān-pe̍h-chit ê hoan-e̍k chok-iōng.

Le̍k-sú[siu-kái | kái goân-sú-bé]

Pún koan-liām siāng chá sī Francis Crick ùi 1956 thê khí--ê. I 1970 nî hoat-piáu tī Nature cha̍p-chì ê kóng-hoat sī:[1]

Hun-chú seng-bu̍t-ha̍k ê tiong-sim kui-tiâu chhù-lí liáu phòe-lia̍t chu-sìn siông-sè ê lia̍p lia̍p chhân-ki [residue] ê choán-sàng. Che chí hia-ê chu-sìn bē-tàng hôgn tùi tān-pe̍h-chit choán-sàng kòe tān-pe̍h-chit he̍k-chiá hu̍t-sng.

Crick sú-iōng Eng-gí "dogma" chit jī, ū chong-kàu kàu-gī ê ì-sù, tī tong-sî ín-khí liáu chi̍t kóa gī-lūn.

Chham-khó[siu-kái | kái goân-sú-bé]

  1. Crick, F (August 1970). "Central dogma of molecular biology." (PDF). Nature 227 (5258): 561–3. Bibcode:1970Natur.227..561C. PMID 4913914. doi:10.1038/227561a0.