Iông-bū Ūn-tōng
Iông-bū Ūn-tōng (洋務運動) he̍k-chiá Chū-kiông Ūn-tōng (自強運動) sī Tiong-kok Chheng-tiâu bóe-kî ê kang-gia̍p-hòa ūn-tōng. Ūn-tōng ê kháu-hō sī su î tióng ki í chè î (師夷長技以制夷); ì-sù chiū sī beh ha̍k-si̍p Se-iûⁿ ê mi̍h-kiāⁿ. Chit pái ūn-tōng chū 1861 nî chì 1895 nî, chêng-āu tāi-iok 35 tang ê sî-kan. Chit pái ūn-tōng sī kīn-tāi Tiong-kok tē-it chhù tōa kui-bô͘ ê choân-kok-sèng se-hong kang-gia̍p ūn-tōng. Iông-bū Ūn-tōng ín-chìn tōa-liōng se-hong sè-kài kho-ki kap tù-chok bûn-hiàn, tông-sî mā khan-sêng chē-chē Tiong-kok liû-ha̍k-seng, tián-khui se-hòa ê lō͘-têng. Put-jî-kò, Chheng-kok tī Kap-ngó͘ Chiàn-cheng chiàn-su liáu-āu, téng-î soan-kò saⁿ-cha̍p-gōa tang ê Iông-bū Ūn-tōng chòe-āu sī sit-pāi siu-tiûⁿ.