Jī-thn̂g

Wikipedia (chū-iû ê pek-kho-choân-su) beh kā lí kóng...
Thiàu khì: se̍h chām, chhiau-chhoē

Jī-thn̂g (二糖; disaccharide) sī chi̍t chióng thoàⁿ-chúi-hoà-bu̍t, iû nn̄g ê tan-thn̂g hun-chú keng-iû sok-ha̍p hoán-èng lâi cho͘-sêng. Tī ha̍p-sêng ê kòe-têng tiòng, ē pàng chi̍t ê chúi hun-chú. Jī-thn̂g hām tan-thn̂g kāng-khoán lóng ē-tàng iûⁿ tī chúi lāi. Siāng chia̍p-khoàⁿ ê jī-thn̂g ū chià-thn̂g, jú-thn̂g kap be̍h-gê-thn̂g, in-ê hun-chú-sek lóng siá-chò C12H22O11. Kî-tiong, chià-thn̂g sī chi̍t hun-chú ê phû-tô-thn̂g kap chi̍t hun-chú ê kó-thn̂g; jú-thn̂g sī chi̍t hun-chú ê phû-tô-thn̂g kap chi̍t hun-chú ê poàⁿ-jú-thn̂g; be̍h-gê-thn̂g sī nn̄g hun-chú ê phû-tô-thn̂g sio-kap.