Ko-hiông Bûn-ha̍k-koán

Wikipedia (chū-iû ê pek-kho-choân-su) beh kā lí kóng...
跳至導覽 跳至搜尋
Ko-hiông Bûn-ha̍k-koán

Ko-hiông Bûn-ha̍k-koán (高雄文學館) chē-lo̍h tī Tâi-oân Ko-hiông-chhī ê Tiong-iong Kong-hn̂g, kīn-oá siâⁿ-chhī kong-lông, chiân-sin sī Ko-hiông Chhī-li̍p Tô͘-su-koán ê Tē-jī Chóng-koán, chit-má sī bûn-ha̍k chhòng-chok kap koan-kong hiu-hân ê bûn-ha̍k-koán.

Koán-lāi tû-liáu su-khò͘ kap kî-khan-khu chi-goā, koh kui-ōe liáu miâ-chok-ka bûn-bu̍t ê tián-sī-khu, Ko-hiông bûn-ha̍k choan-khu kap hiû-khè oa̍t-lám-khu. Tī 2006 nî koh oân-sêng liáu "Ko-hiông Chok-ka Chu-liāu Choan-khu" (高雄作家資料專區), tián-lám Ko-hiông chok-ka ê keng-le̍k siòng-phìⁿ kap chhòng-chok bûn-cu̍t, pēngchhiáⁿ kiat-ha̍p liáu bāng-lō͘, kā chok-ka chu-liāu sò͘-ūi-hoà tián-chông, thàu-kòe bāng-lō͘ hō͘ koh-khah chē lâng ē-tàng liáu-kái Kong-hiông ê chok-ka. Kāng-nî mā khai-sí kí-pān "Bûn-ha̍k-ka Chù-koán" (文學家駐館) ê kè-ōe, ta̍k nn̄g ê lé-pài iau-chhiáⁿ chi̍t ūi Ko-hiông chok-ka chù-koán, hō͘ bîn-chiòng tùi chok-ka ē-tàng ū koh-khah chhim ê jīm-bat.