Kong-san Bûn-hòa Tiong-sim
Ko-hiông-chhī Kong-san Bûn-hòa Tiong-sim (高雄市岡山文化中心), khah-chá sī Ko-hiông Koān-li̍p Bûn-hòa Tiong-sim (高雄縣立文化中心), sī Ko-hiông-chhī Chèng-hú Bûn-hòa-kio̍k só͘-sio̍k ê gē-bûn tiûⁿ-koán, ūi-tī Ko-hiông-chhī Kong-san-khu ê Kong-san-lâm-lō͘ téng. Hn̂g-khu lāi ê chú-iàu kiàn-tio̍k ū tô͘-su-koán, ián-gē-thiaⁿ, phôe-iáⁿ-hì-koán téng 3 keng, kî-tiong phôe-iáⁿ-hì-koán sī choân Tâi ûi-it ê thoân-thóng phôe-kâu-hì gē-su̍t phok-bu̍t-koán.