Kong-san-khu
 | 這篇文章有漢字的版本。 參考這篇文章的漢字的版本。 |
| Kong-san-khu 岡山區 |
|
| — Khu — | |
 |
|
| Keng-hūi-tō͘: 22°48′N 120°17′E / 22.800°N 120.283°E | |
| Kok-ka |  Tiong-hôa Bîn-kok
|
|---|---|
| Ti̍t-hat-chhī | Ko-hiông-chhī |
| Ē-kha khu-oe̍h | 33 lí 529 lîn |
| Bīn-chek | |
| - Lóng-chóng | 47.9421 km2 |
| Koân-tō͘ | 17 m |
| Jîn-kháu (2026 nî 5 goe̍h) | |
| - Lóng-chóng | 94,274 lâng |
| - Bi̍t-tō͘ | 1,966.41 lâng/km2 |
| - Hō͘-sò͘ | 38,362 |
| Sî-khu | CST (UTC+8) |
| Iû-piān hō-bé | 820 |
| Bāng-chām | https://gangshan.kcg.gov.tw |
Kong-san-khu sī Tâi-oân Ko-hiông-chhī ê 1 ê khu, kó͘-chá-sî hō-chò "Koaⁿ-chin-nâ" ia̍h "A-kong-tiàm".
Le̍k-sú
[siu-kái | kái goân-sí-bé]Kong-san siōng chá in-ūi chin chē koaⁿ-chin-á, só͘-í bat hŏng kiò-chò "Koaⁿ-chin-nâ (竿蓁林)". Lēng-gōa, tòa tī chia ê pêⁿ-po͘-cho̍k Ma-ká-táu-cho̍k kā chia hō-chò "Agongtoan", ì-sù mā-sī "chiok chē koaⁿ-chin-á", Hàn-jîn î-bîn sûi kā im-e̍k chò "A-kong-tiàm (阿公店)".
Tī Hô-lân Sî-tāi, chia bat sī Koeh Hoâi-it Sū-kiāⁿ ê hoat-seng-tē chi it.
Ji̍t-pún Sî-tāi
[siu-kái | kái goân-sí-bé]1895 nî, Tāi-chheng Tè-kok in-ūi phah su Kap-ngó͘ Chiàn-cheng kah Ji̍t-pún chhiam-tèng Má-koan Tiâu-iok kā Tâi-oân koah-jiōng hō͘ Ji̍t-pún. Tâi-oân chai-iáⁿ chi̍t-ê siau-sit liáu-āu sûi sêng-li̍p "Tâi-oân Bîn-chú-kok" lâi tùi-khòng Ji̍t-pún-lâng, Ji̍t-pún tī khòng-chè Tâi-oân ê kòe-têng-tiong mā tú-tio̍h chin chē khòng-Ji̍t hêng-tōng. 1898 nî 11 goe̍h kàu 12 goe̍h, Ji̍t-pún chèng-hú ūi-tio̍h pêng-tēng chia-ê khòng-Ji̍t hêng-tōng, chheng-lí kúi-nā-ê khòng-Ji̍t khah kek-lia̍t ê chng-thâu, kî-tiong tī A-kong-tiàm sī siōng chhi-chhám--ê, kui-ê chng-thâu móa 16-hòe ê cha-po͘-lâng lóng hŏng chi̍p-tiong thâi-thâu ia̍h-sī pàng-hóe sio--sí, chō-sêng kúi-nā-chheng lâng kòe-sin, chit-ê sū-kiāⁿ āu--lâi hŏng hō-chò "A-kong-tiàm Tōa Gio̍k-sat".
1920 nî Tâi-oân tē-hng kái-chè, in-ūi hū-kīn ū Tōa-kong-san (大崗山) kah Sió-kong-san, Ji̍t-pún chèng-hú tio̍h kā chia hō-chò "Kong-san" (Ji̍t-pún-gí:
Jī-chiàn kî-kan, in-ūi Ji̍t-pún tī chia ū khong-kun ki-tē, só͘-í 1944 nî 10 goe̍h 14 siū-tio̍h Bí-kok tōa-kui-bô͘ hong-chà, āu--lâi hŏng hō-chò Kong-san Tōa Khong-si̍p.
Chiàn-āu
[siu-kái | kái goân-sí-bé]Chiàn-āu kái-siat Ko-hiông-koān Kong-san-tìn, iu-goân sī Tâi-oân tiōng-iàu ê khong-kun ki-tē.
1947 nî 2 goe̍h-té Tâi-oân hoat-seng Jī-jī-pat Sū-kiāⁿ, 3 goe̍h 4 hō Tâi-oân-lâng khì kah kun-hong hia̍p-siong, hi-bāng kun-hong mài chhut-khì, in mā ē pó-hō͘ tī Kong-san ê gōa-séng-lâng. Tī Jī-jī-pat Sū-kiāⁿ kî-kan, iû "Sam-bîn Chú-gī Chheng-liân-thoân" chiap-thè kun-kéng lâi ûi-chhî Kong-san ê tī-an, tān-sī āu-lâi thoân-tiúⁿ Siau Tiâu-kim bo̍k-su sûi hō͘ kun-kéng jīn-ûi sī leh "siu-iông pō-tô͘", chòe-āu bô keng-kòe hoat-īⁿ sím-phòaⁿ tio̍h hŏng chhèng-koat.
2010 nî, Ko-hiông koān-chhī ha̍p-pèng, Kong-san seng-keh chò Kong-san-khu.
Kau-thong
[siu-kái | kái goân-sí-bé]Thih-lō͘
[siu-kái | kái goân-sí-bé]
Tē-tiám
[siu-kái | kái goân-sí-bé]
| ||||||||||||||||||||||||||||||||||
