Ku Klux Klan

Wikipedia (chū-iû ê pek-kho-choân-su) beh kā lí kóng...
Thiàu khì: se̍h chām, chhiau-chhoē
Sio si̍p-jī-kè sī KKK chá-kî oa̍h-tāng ê chi̍t khoán hong-sek.

Ku Klux Klan, kán-lio̍k chò KKK, ē-sài kiò "Sam K(Khe) Tóng", sī Bí-kok ê chi̍t khoán pe̍h-lâng iu-oa̍t-chú-gī he̍k-chiá chéng-cho̍k-chú-gī ūn-tōng. In tī le̍k-sú siōng ē-tàng hun saⁿ kái ūn-tōng, bí chi̍t kái chi kan bô ti̍t-chiap ê koan-hē.

Thâu chi̍t kái KKK ê cho͘-chit sī tī lōe-chiàn liáu-āi Tiông-kiàn Sî-tāi (Reconstruction Era) Bí-kok ê lâm-pō͘, tī hit-chūn in ê oa̍h-tāng chú-iàu sī kong-kek o͘-lâng thâu-lâng. Chit kái ūn-tōng tī 1871 nî kiat-sok.

Tē jī kái ūn-tōng sī choân-kok-sèng--ê, in tī 1920 nî chó-iū khí-heng, chú-iàu sī chiam-tùi Thian-chú-kàu kap î-bîn téng-téng tùi-siòng.

1970 nî-tāi kòe-āu ê KKK, sī chi̍t kóa lī-ēng KKK chò miâ ê cho͘-chit, in tiāⁿ-tiāⁿ hoat-tōng tùi chio̍h-sò͘ cho̍k-kûn he̍k-chiá î-bîn ê khòng-gī.