Liân-pang chèng-hú

Liân-pang chèng-hú (聯邦政府 / 連邦政府) sī liân-pang-chè kok-ka ê tiong-iong chèng-hú. Tī chit-khoán chèng-hú thé-chè hā, liân-pang sī iû chē-chē liân-pang sêng-oân kiōng-tông cho͘-sêng, tān-sī teh chhú-lí lāi-pō͘ ê sū-bū siōng ûi-chhî to̍k-li̍p chū-chú. Liân-pang chèng-hú thong-siông chhut-hiān tī tiong-iong chèng-hú tùi tē-hng ê chiáng-khòng-le̍k khah-kē ia̍h-sī tē-hng ì-sek khah-kiông ê kok-ka. Hām tiong-iong chi̍p-koân sio-pí, liân-pang-chè sī chi̍t-khoán tē-hng hun-koân ê chè-tō͘, i-ê hiàn-hoat kā choa̍t tāi-to-sò͘ ê chèng-hú koân-le̍k ōe-hun hō͘ tē-hng, ah tiong-iong chèng-hú ka-nā ē-ēng hū-chek iú-hān ê sū-bū, m̄-koh tiong-iong chèng-hú thong-siông lóng ū pó-liû tùi kun-sū, gōa-kau kap châi-chèng ê koân-le̍k.