Liû-liām-chí

Liû-liām-chí (流瀲紫; 1984 nî 10 goe̍h 8 ji̍t chhut-sì ), pún-miâ Ngô͘ Soat-lâm (吳雪嵐), sī chi̍t ūi Chiat-kang-séng chhut-sin ê Tiong-kok cha-bó͘ chok-ka. 2007 nî, i ùi Chiat-kang Su-hoān Tāi-ha̍k pit-gia̍p, the̍h-tio̍h bûn-ha̍k ha̍k-sū ha̍k-ūi, khai-sí tam-jīm Hâng-chiu Kang-lâm Si̍t-giām Tiong-ha̍k ê lāu-su. 2005 nî, i khai-sí chông-sū gia̍p-î siá-chok, sî-siông tī bāng-lō͘ hoat-piáu siáu-soat kap sàn-bûn. 2007 nî, i chhòng-chok liáu kīn 100-bān jī ê tiông-phian siáu-soat Hō͘-kiong Chin-koân-toān, siū-tio̍h chē-chē tho̍k-chiá ê hí-ài, chiâⁿ-chò kīn kúi-nî Tiong-kok siōng-kài thiòng-siau ê siáu-soat chi-it.