Marc Andreessen

Wikipedia (chū-iû ê pek-kho-choân-su) beh kā lí kóng...
Thiàu khì: se̍h chām, chhiau-chhoē
Marc Andreessen.jpg

Marc Andreessen (1971 nî 7 goe̍h 9 ji̍t chhut-sì) sī Bí-kok ê têng-sek-oân kiam si̍t-gia̍p-ka.

Andreessen tī 1993 nî, kap Eric Bina téng lâng tī Kok-li̍p Chhiau-kip-tiān-náu Èng-iōng Tiong-sim (National Center for Supercomputing Applications; NCSA) khai-hoat chhut té-bé hō chò Mosaic Web ê WWW liû-lám-khì.

1994 nî, Andreessen chhòng-li̍p Netscape kong-si, jî-chhiá ín-ji̍p bōe chió chìn-chêng tī NCSA chò khang-khòe ê lâng, āu-bóe in chè-chō liáu sin-ê liû-lám-khì, kiò chò Netscape Navigator. Che Navigator tī tong-nî tī kui-ê Web liû-lám-khì chhī-tiûⁿ téng chiàm liáu 70 pha-sén.

Siū tio̍h Microsoft ê Internet Explorer éng-hióng, Netscape ê siu-ji̍p tī 1990 nî-tāi bóe-kî khai-sí kiám-chió, kàu 1999 nî ê sī bē hō͘ AOL. Liáu-āu Andreessen koh sin khui LoudCloud kong-si, thê-kiong bāng-chām khai-siat ho̍k-bū, chóng-sī bô sáⁿ sêng-kong. Kàu 2007 nî, i chài chhòng-li̍p choan-bûn chò blog kap lūn-tôaⁿ ê Ning. 2008 nî ê sî Andreessen pún-sin ka-ji̍p Facebook ê táng-sū-hōe.

Chham-khó[siu-kái | kái goân-sú-bé]

  • Henderson, Harry (2009). "Andreessen, Marc". Encyclopedia of Computer Science and Technology (Revised Edition). Facts On File. ISBN 978-0-8160-6382-6.