Monroe Chú-gī

Wikipedia (chū-iû ê pek-kho-choân-su) beh kā lí kóng...
Bí-kok tē-5 jīm chóng-thóng James Monroe

Monroe Chú-gī (Eng: Monroe Doctrine) sī Bí-kok tē-5 jīm chóng-thóng James Monroe1823 nî hoat-piáu ê chi̍t hāng koan-î Bí-chiu tāi-lio̍k khòng-chè-koân ê Bí-kok gōa-kau chèng-chhek. Monroe Chú-gī seng-bêng Au-chiu kok-ka nā-sī chìn-chi̍t-pō͘ tùi Pak Bí-chiu kap Lâm Bí-chiu ê thó͘-tē chìn-hêng si̍t-bîn, tùi in-ê chèng-koân chìn-hêng kan-ū, lóng ài kā che khoàⁿ-chò sī chhim-lio̍k ê hêng-ûi, Bí-kok lóng ài kài-ji̍p. Bí-kok mā seng-bêng bōe khì kan-ū hiān-chûn ê Au-chiu si̍t-bîn-tē, mā bōe chham-ú Au-chiu kok-ka lāi-pō͘ ê sū-bū.

Hit-tang-chūn, chha-put-to só͘-ū ê La-teng Bí-chiu si̍t-bîn-tē lóng í-keng ia̍h-sī tng-teh tui-kiû to̍k-li̍p, pái-thoat Se-pan-gâ kap Phû-tô-gâ ê si̍t-bîn thóng-tī. Lēng-gōa, Bí-kok mā hām Eng-kok ta̍t-sêng kiōng-sek, hi-bāng Au-chiu sè-le̍k m̄-thang koh chìn-ji̍p Bí-chiu.

Monroe Chú-gī ê bo̍k-tek hām éng-hióng lo̍h-bóe liân-sòa liáu chhiau-kòe chi̍t-ê sè-kí ê sî-kan.