Ngó͘-lêng-lân

Wikipedia (chū-iû ê pek-kho-choân-su) beh kā lí kóng...
?Ngó͘-lêng-lân
Ngó͘-lêng-lân
Seng-bu̍t-ha̍k hun-lūi
Kài: Plantae
Mn̂g: Magnoliophyta
Kong: Magnoliopsida
Bo̍k: Lamiales
Kho: Verbenaceae
Sio̍k: Lantana
Chéng: L. camara
Ha̍k-miâ
Lantana camara
L.
Siâng-ì-miâ

Lantana aculeata
Lantana armata

Ngó͘-lêng-lân(Hàn-jī: 五龍蘭, ha̍k-miâ: Lantana camara),[1] koh kiò-chò khí-siáu-hoe (起痟花)[2],kòng-phòa-hoe, sī to-nî-seng siông-le̍k koàn-bo̍k, chhiū-á-ki tiāⁿ chhun-tn̂g thòaⁿ-khui, kah-ì seⁿ tī kui-kang ū ji̍t-thâu pha̍k ê só·-chāi.

Chū-té seⁿ tī jia̍t-tāi Bí-chiu, kap Se-ìn-tō· kûn-tó. Tī Tâi-oân kui-hòa, hun-pò· tī pêⁿ-tē, kap kē-hái-po̍at soaⁿ-khu, seⁿ tī lō·-kîⁿ, pha-hng-tē, he̍k chhiū-nâ piⁿ--á. Taⁿ hông kóng-hoat chèng-chok chò hoe-hn̂g koan-sióng ēng.

Hêng-thāi[siu-kái | kái goân-sí-bé]

Keng ū 4 chōa ke-kak, ū chhoaⁿ-chhì.

Hio̍h-á tùi-seⁿ, ke-nn̄g-hêng he̍k tn̂g-ke-nn̄g-hêng, siang-pêng-bīn pho̍ah ngē-mo·, kì-á-khí ê piān-iân.

Hoe kam-á-sek, kam-á-âng-sek, hún-âng-sek, he̍k n̂g-sek lóng-ū, thó·-seⁿ-á--ê kam-á-an̂g-sek siāng-che; hoe-koan sī chhim au-á-hêng, bóe-liu hit-pêng ū bô-chú-ngó· ê chhián-chhián li̍h-phāng. Ti̍t-kèng ū 8 mm. Hoe sī sàn-pâng-hoe-sū (繖房花序), gōa-hêng chhiuⁿ thâu-chōng-hoe (頭狀花) án-ne pâi-lia̍t, ùi hio̍h-á kòe-hīⁿ-khang hia seⁿ--chhut-lâi.

Kóe-chíhe̍k-kó (核果) kiû-hêng, kàu-hun sî o·-nâ-sek, bah-chit.


Wikimedia Commons téng ê siong-koan tóng-àn: Lantana camara

Chham-khó chu-liāu[siu-kái | kái goân-sí-bé]

  1. 佐佐木舜一. 臺灣植物名彙. p. 352. Lantana camara, Linn. Ngó͘-lêng-lân 五龍蘭 
  2. "《馬櫻丹》". 馬櫻丹,但是我爸他們都用台語叫它「起笑花」,我也不知道為什麼。上面是 hsuan 說的!