Nikki Haley

Wikipedia (chū-iû ê pek-kho-choân-su) beh kā lí kóng...
跳至導覽 跳至搜尋
Nikki Haley official photo.jpg

Nimrata "Nikki" Haley (goân-sèⁿ Randhawa, 1972 nî 1 goe̍h 20 chhut-sì) sī Bí-kok ê chèng-tī-ka. I sī Bí-kok tē-29-ê Liân-ha̍p-kok Tāi-sài. Cha-chêng Haley mā pat chò South Carolina chiu ê chiu-tiúⁿ.

Chhut-sin[siu-kái | kái goân-sú-bé]

Haley chhut-siⁿ ê hō-miâ sī Nimrata Randhawa, i sī Ìn-tō͘-hē Bí-kok-lâng Sikh ka-têng chhut-sin. I chhut-sì ê só͘-chāi sī South Carolina ê Bamberg chng. I-ê lāu-bú Raj Kaur Randhawa sī Ìn-tō͘ Delhi Tāi-ha̍k hoat-lu̍t ha̍k-ūi chut-gia̍p--ê, lāu-pē Ajit Singh Randhawa sī goân Punjab Lông-gia̍p Tāi-ha̍k ê kàu-siū; in goân-té sī tòa tī Punjab ê Amritsar tē-hng.

Chū Randhawa sian-siⁿ tit tio̍h British Columbia Tāi-ha̍k ê chióng-ha̍k-kim, in âng-bó͘ chiō sóa kòe Canada. Haley ê lāu-pē the̍h tio̍h PhD ha̍k-ūi liáu-āu, chiah koh sóa kui-ke khì South Carolina, tī hia chò Voorhees College ê kàu-siū. Nā Haley ê a-bú ū the̍h kàu-io̍k ê sek-sū, koh tī Bamberg ê kong-li̍p ha̍k-hāu kà 7 tang e chheh, tè-bé tī 1976 nî, khui chi̍t keng saⁿ-á-khò͘ kong-si, hō chò Exotica International.

12-hòe Haley to̍h khai-sí tī in a-bú ê ho̍k-chong-tiàm tàu kì-siàu. 1989 nî, i tùi Orangeburg Ū-pī Ha̍k-hāu (Orangeburg Preparatory Schools) chut-gia̍p. I tè-bé koh tī Clemon Tāi-ha̍k tit tio̍h hōe-kè ê ha̍k-sū ha̍k-ūi.

Chá-sî sū-gia̍p[siu-kái | kái goân-sú-bé]

Tāi-ha̍k chut-gia̍p liáu-āu, Haley ji̍p FCR Corporation, chi̍t keng hòe-khì-bu̍t chhù-lí kiam hôe-siu kong-si, āu--lâi koh ka-ji̍p in tau ê ho̍k-chong sū-gia̍p Exotica International. Té-bé chò ka kong-si ê chi-phòe-chiá (controller) kap châi-bū-tiúⁿ (chief financial officer).

1998 nî, Haley siū jīm-bēng chò Orangeburg Kūn (Orangeburg County) Siong-hōe (Chamber of Commerce) ê táng-sū. 2003 nî ê sî i koh khì chò Lexington siâⁿ ê siong-hōe táng-sū.

Chèng-tī sū-gia̍p[siu-kái | kái goân-sú-bé]

2004 nî, Haley chham-soán South Carolina Chiòng-gī-īⁿ (House of Representatives) gī-oân, tāi-piáu Lexington Kūn ê 87 Soán-khu. Chho͘-soán iâⁿ kòe chāi-jīm ê Larry Koon liáu-āu, bô tùi-chhiú ê chêng-hêng tòng-soán gī-oân ūi. 2006 kap 2008 nî iū koh liân-jīm nn̄g kái.

2010 nî 11 goe̍h 2 hō, Haley tòng-soán South Carolina ê chiu-tiúⁿ. 2014 nî koh liân-jīm. Goân-lâi chiu-tiúⁿ ê ūi 2019 nî chiah soah, chóng-sī i 2017 nî 1 goe̍h 24 thè-chit khì chò Bí-kok ê Liân-ha̍p-kok tāi-sài.

Su-jîn seng-oa̍h[siu-kái | kái goân-sú-bé]

1996 nî 9 goe̍h, Nikki Randhawa kap Michael Haley kiat-hun.