Portal:Kun-sū/Intro

Chiàn-cheng sī chi̍t khoán siong-tùi tōa tīn ê jîn-kûn, pú-lūn bîn-cho̍k, kok-ka, cho͘-chit, siā-kûn chi kan ê chhiong-tu̍t chōng-hóng, te̍k-tiám sī kau-chiàn-chiá he̍k-chiá tùi bîn-chiòng sú-iōng tì-miā ê bú-chong po̍k-le̍k. Siang-pêng í-siōng kùi-hoán ê sè-le̍k chi kan ūi tio̍h chú-khoân, léng-thó͘, chu-goân, lí-liām téng būn-tê só͘ hoat-seng êchi̍t liân-sòa chiàn-e̍k, to̍h thang kóng sī chi̍t pái chiàn-cheng. Tong kâng chi̍t-ê kok-ka lāi-bīn ê sè-le̍k tùi-khòng, thang kóng sī lōe-chiàn.

Chi̍t kái chiàn-tò͘ sī siang hong í-siōng chi kan tan-to̍k iú-hān ê kau-chiàn. Chiàn-tò͘ tiāⁿ sī chiàn-e̍k tang-tiong hoat-seng--ê, ē-tàng ēng sî-kan, khong-kan kap hêng-tōng lâi tēng-gī. Chiàn-cheng it-poaⁿ sī koan-liân kiam liân-sio̍k ê chi̍t cho͘ chiàn-tò͘.