Portal:Kun-sū/Selected article/1

Wissembourg Chiàn-tò͘ hoat-seng tī 1870 nî 8 goe̍h 4 ji̍t. Wissembourg goân-lâi khí-siat bē-chió kun-sū siat-si, m̄-koh tī chêng kúi nî chhèng-phàu kap ī-soàn lóng sóa kòe pa̍t-ūi khì. Chóng-sī pún chng oá-ná sī Bayern, Strasbourg kap Alsace pak-pō͘ sio-thàng ê tiōng-iàu thong-tō. Tong-sî Phó͘-kok chhin-ông Friedrich Wilhelm hoat-peng hiòng Saarbrucken tang-pêng chhiam-lio̍k, kong-kek Wissembourg kap hū-kīn Hoat-kok hong-bīn Marie MacMahon phài i-ê Tē-jī Su-thoân, xhâm 8,600 peng-sū, chí-hui-koaⁿ sī Abel Douay chiong-kun, hông-siú iāu-sài Geisberg. Té-bé Hoat-kok chiàn-pāi, Douay chiàn-sí, MacMahon thè-peng tńg Wörth, ùi hia ka-ji̍p Wörth Chiàn-tò͘.