Sìn-gī kè-ōe-khu

Wikipedia (chū-iû ê pek-kho-choân-su) beh kā lí kóng...
跳至導覽 跳至搜尋
Siông-tì-lō͘ (松智路)

Sìn-gī kè-ōe-khu (Hàn: 信義計畫區) sī chi̍t ê ūi-tī Tâi-oân Tâi-pak-chhī Sìn-gī-khu lāi-bīn ê to͘-chhī keng-sin khu-he̍k. Bīn-chek lóng-chóng 153 kong-khéng. Sìn-gī kè-ōe-khu chū 1980 nî-tāi khai-sí chìn-hêng khai-hoat, bo̍k-chiân í-keng sī Tâi-pak-chhī siú-iàu ê tiong-sim siong-gia̍p-khu; pau-hâm Tâi-pak 101, Tâi-pak-chhī Chèng-hú, Tâi-pak Sè-kài Bō͘-e̍k Tiong-sim lóng siat-tì chāi chit ê kè-ōe-khu lāi. Lēng-gōa, iáu-koh-ū chē-chē kò͘-bu̍t tiong-sim, pah-hòe kong-si, pn̄g-tiàm, ko-kip chū-the̍h kap khì-gia̍p chóng-pō͘ iā lóng siat-tì chāi chia, ē-ēng kóng sī choân Tâi-pak-chhī siōng-kài kok-chè-hòa ê só͘-chāi. Siat-tì chit-ê chāi kè-ōe-khu lāi-té ê siong-khoan iā chia̍p-chia̍p hō-chò Sìn-gī siong-khoan (信義商圈).