Sòng Khèng-lêng

Wikipedia (chū-iû ê pek-kho-choân-su) beh kā lí kóng...
Sòng Khèng-lêng (1920)

Sòng Khèng-lêng (宋庆龄/宋慶齡; Hàn-pheng: Sòng Qìnglíng, 1893 nî 1 goe̍h 27 ji̍t – 1981 nî 5 goe̍h 29 ji̍t) sī Tiong-kok chèng-tī-ka, pat chò koè Tiong-hoâ Jîn-bîn Kiōng-hô-kok ê kok-ka hù-chú-sek. I mā pat chò koè 1968 nî kàu 1972 nî ê tāi-lí kok-ka chú-sek, sī thâu-chi̍t-ê chiâⁿ chò Kiōng-hô Tiong-kok ê thâu-lâng ê lú-sèng. Tī 1981 nî, i hōng siū-ú kok-ka bêng-ū chú-sek ê thâu-hâm.

I ê ang-sài sī kek-bēng-ka Sun Bûn; Ti Tiong-kok kīn-tāi mā chin chhut-thâu ê Sòng Ái-lêng kap Sòng Bí-lêng sī i-ê chí-moē.