Sai Sahara

Wikipedia (chū-iû ê pek-kho-choân-su) beh kā lí kóng...
Thiàu khì: Se̍h chāmchhiau-chhoē
Western Sahara ê kî-á
LocationWesternSahara.svg

Sai Sahara (A-la-pek-gí: صحراء غربية) tiàm-tī Hui-chiu sai-pak-pō·, ì-sù sī Sahara Soa-bô· ê sai-pêng. Hái-hōaⁿ oá Tāi-se-iûⁿ. Keh-piah ū Morocco (pak), Algeria (tang-pak), Mauritania (tang kap lâm) 3 kok. Sai Sahara bo̍k-chêng tōa pō·-hūn sī Morocco teh thóng-tī. Chāi-tē Sahrawi-lâng ê chèng-tī cho·-chit hō--ê kok-miâ sī Sahrawi A-la-pek Bîn-chú Kiōng-hô-kok.

1884 nî Se-pan-gâ sè-le̍k khai-sí chhun kàu iân-hái tē-tài. 1924 nî (?) Se-pan-gâ kā Saguia el-Hamra (pak) kap Río de Oro (lâm) chit 2-ê hêng-chèng-khu ha̍p-pèng chò Se-pan-gâ Sahara. Sahara Tháu-pa̍k Ūn-tōng tī 1967 hit nî sêng-li̍p, siū tio̍h Se-pan-gâ kiông-lia̍t táⁿ-ap, 1970 nî kìm-chí. 1973 nî to̍k-li̍p ūn-tōng cho·-chit Polisario sêng-li̍p. 1975 nî keh-piah kok Morocco hoat-tōng jîn-hái-chiàn-su̍t kā Se-pan-gâ-lâng koáⁿ cháu, kàu kah 1979 nî oân-choân chiáng-ak tiâu leh. 1976 nî Polisario léng-tō ê to̍k-li̍p ūn-tōng soán-pò· sêng-li̍p Sahrawi-kok, hām Morocco kun-hong kau-chiàn. 1991 nî in ê liû-bông chèng-koân hām Morocco chhiam-tēng thêng-hóe hia̍p-gī, che pau-koah tī bī-lâi pān kong-bîn tâu-phiò koat-tēng chòe-āu ê chèng-tī tē-ūi. Chóng--sī in-ūi siang-hong tùi tâu-phiò koân ê jīn-tēng bô hoat-tō· ta̍t-sêng kiōng-sek, kàu taⁿ iáu-bōe ū tut-phòa. Tōa-pō·-hūn kok-ka bô sêng-jīm Morocco ê thóng-tī-koân.

Ki-pún chu-liāu[siu-kái]

Western Sahara-CIA WFB Map.png