Si-phian 2

Wikipedia (chū-iû ê pek-kho-choân-su) beh kā lí kóng...
跳至導覽 跳至搜尋
Si-phian 2
Folio 45v - The Messiah' Dominions.jpg
Su Si-phian
Sèng-keng ê pō͘-hūn Kū-iok
Pō͘-hūn lāi ê sūn-sī 19
Lūi-pia̍t Sèng-si

Si-phian 2, ia̍h Si-phian Tē 2 Chiuⁿ, sī Kū-iok Sèng-keng lāi ê tē-2 phiⁿ si-phian.

Choân-bûn[siu-kái | kái goân-sú-bé]

1 Lia̍t-pang siáⁿ-sū soan-hoa, Chèng peh-sìⁿ siáⁿ-sū kè-bô͘ khang-khang ê sū?
2 Sè-chiūⁿ ê kun-ông khiā--khí-lâi, Chiáng koân-pèng--ê saⁿ-kap gī-lūn, Beh tí-te̍k Iâ-hô-hoa, iā tí-te̍k I ê siū boah-iû--ê.
3 Kóng, Lán tio̍h chhoah-tn̄g in ê khún-pa̍k, Hiat-ka̍k in ê soh.
4 Chē tī thiⁿ-téng--ê beh chhiò, Chú beh biáu-sī in.
5 Hit-sî I beh tī I ê siū-khì-tiong lâi tùi i kóng, Tī I ê tōa siū-khì lâi hō͘ in kiaⁿ.
6 Chú kóng, Góa í-keng siat-li̍p Góa ê ông, Tī Sek-an, Góa ê sèng-soaⁿ.
7 Góa beh thoân sèng-chí, Iâ-hô-hoa bat kā góa kóng, Lí sī Góa ê kiáⁿ, Góa kin-á-ji̍t siⁿ lí.
8 Lí kiû Góa, Góa chiū chiong lia̍t-pang hō͘ lí chòe ki-gia̍p; Chiong tōe ê ke̍k-thâu hō͘ lí chòe sán-gia̍p.
9 Lí beh ēng thih-koáiⁿ phah-phòa in; Beh kòng-chhùi in chhin-chhiūⁿ sio-hûi lâng ê hûi-khì.
10 Taⁿ lín lia̍t-ông tio̍h ū tì-hūi; Lín sè-chiūⁿ ê sím-phòaⁿ-koaⁿ tio̍h siū kéng-kài.
11 Tio̍h ēng kèng-ùi lâi ho̍k-sāi Iâ-hô-hoa, Tio̍h ēng kiaⁿ-hiâⁿ lâi hoaⁿ-hí.
12 Tio̍h ēng chhùi chim Sèng Kiáⁿ, kiaⁿ-liáu I siū-khì, lín chiū bia̍t-bô tī lō͘-tiong. In-ūi I ê siū-khì beh kín-kín hoat-chhut. Hoān-nā óa-khò I--ê, lóng sī ū hok-khì ê lâng.

Gōa-pō͘ liân-kiat[siu-kái | kái goân-sú-bé]

Commons-logo.svg

Wikimedia Commons téng ê siong-koan tóng-àn: Si-phian 2


Si-phian 2
Chiap-sio̍k
Si-phian 1
Kū-iok Sèng-keng Choân-su
Si-phian
Kè-sio̍k
Si-phian 3