Stock Car

Wikipedia (chū-iû ê pek-kho-choân-su) beh kā lí kóng...
跳至導覽 跳至搜尋

Stock Car ("Suh-tok-khah") sī ùi Bí-kok kap Ka-ná-tah khah liû-hêng ê chi̍t khoán kēng-chhia hêng-sek. Thoân-thóng siōng sī iân chi̍t chō chóng tn̂g-tō͘ 0.4 kàu 4.3 kong-lí ê ke-nn̄g-hêng chhia-tō kēng-cháu. NASCAR sī kî-tiong siāng tōa ê Stock Car pí-sài cho͘-chit.

Hō-miâ[siu-kái | kái goân-sú-bé]

Eng-gí ê stock car goân-lâi sī teh kóng chhut-chhiúⁿ liáu-āu bô koh hông kái-chong ê chū-tōng-chhia. Āu--lâi chi̍t jī hông theh lâi chí ēng chò sài-chhia lâi kēng-cháu ê phó͘-thong sán-phín chhia, ia̍h tio̍h sī kóng in m̄-sī te̍k-pia̍t ūi kēng-chhia siat-kè ê chhia (phì-jū F1 sài-chhia).